بغلان کووید ۱۹ کسلخانه ایشلاوچیلری و داکترلری، بوگون اوشبو کسلخانه بناسی برابریده اعتراض قیلیشگن. اولرنینگ ایتیش‌لریچه، ۶ آیدن بویان حقوق‌لرینی قولگه کیلتیرمه‌گنلر و تقدیرلری بیللی بولمه‌گن بیر شکلده حیات کیچیره‌دیلر.
اولر نینگ اورغولشیچه، مذکور کسلخانه دارو و تجهیزات کملیگی بیلن روپه‌رو دیر و تیزلیککه اوشبو کسلخانه نینگ قیینچیلیکلری حل بولمه‌گن صورتده، بو کسلخانه نینگ باغلنیشی ممکن.
بغلان کووید ۱۹ کسلخانه مسئولی فهیم مرادی نینگ ایتیشیچه، ۶ آیدن بیری حقوقی تولنمه‌گن و شخصی خره‌جتی بیلن ایش قیله‌دی. اونینگ کوپه‌یتیریشیچه، هیچ بیر نهاد اولر نینگ قیینچیلیکلری نی حل قیلمه‌گن و اوشبو کسلخانه نابود بولماقده.
شونینگدیک مذکور کسلخانه پرستارلریدن بیری لیلا نینگ ایتشیچه، یالغیز او عایله‌سی نینگ نان کیلتیرووچیسی دیر و حاضر معاشی تولنمه‌گنی باعث، عایله نیازلری نی تامین قیله‌آلمه‌یدی.
بغلان کووید ۱۹ کسلخانه ایشلاوچیلری نینگ اورغولشیچه، اکسیژن، دارو، ییگولیک ماده و یانغین ماده کملیگی بیلن روپه‌رولر دیر. اولرنینگ ایتیش‌لریچه، داکترلر شخصی بودجه‌لری بیلن کسل‌لرگه ییگولیک ماده و یانغین ماده ساتیب آله‌دیلر.
بیزلرنینگ فیسبوک صحیفه‌میزگه باش اورینگ!
مذکور اعتراض قیلووچیلرنینگ کوپه‌یتیریش‌لریچه، قیش موسمی ییتیب کیلگن بیرحالده، دارو، ییگولیک ماده و یانغین ماده یوقلیگی باعث، کووید ۱۹ گه چلینگنلر سانی کوپه‌یماقده و انه شو سبب کسل‌لرنینگ رخصت قیلیش گه زورلنگنلر.
اولرگه کوره، اسلامی امارت مسئوللری نینگ ایتیش‌لریچه، معاش‌لری نینگ بودجه‌سی آمریکا قوشمه ایالتی تامانیدن باغلنگن و انه شو سبب حاضرگچه معاش‌لری تولنمه‌گن. اعتراض قیلووچیلر اولرنینگ قیین‌چیلیک‌لرینی حل بولیشی اوچون آمریکادن افغانستان موزلنگن پول‌لری نینگ آزاد بولیشی نی سوره‌یدیلر.
شونینگدیک اولرنینگ آگاه‌لنتیریش‌لریچه، اولرنینگ قیینچیلیکلری تیزلیککه حل بولمه‌گن صورتده، ایشدن قول تارته‌دیلر و شونینگدیک دارو، ییگولیک ماده و یانغین ماده کملیگی باعث، کسلخانه نینگ باغلنیشی ممکن.
بغلان یشاوچیلری اوشبو ولایت کووید ۱۹ کسل‌خانه‌سیده امکانیت و دارو کملیگی اولرنینگ کوپینچه قیینچیلیکلر بیلن روپه‌رو قیلیب و کسل‌لرگه توجه ایتیلمه‌گنی خصوصیده شکایت قیلماقده‌لر.
عین حالده، بغلان ده ساغلیق نی سقلش ریاست رئیسی خالد هجران، اوشبو ولایت کووید ۱۹ کسل‌خانه‌سی نینگ قیین‌چیلیک‌لرینی تصدیق‌لب و ایتیشیچه، مذکور قیینچیلیکلر تیزلیککه حل بولیشی ممکن.
بغلان ساغلیق نی سقلش ریاست رئیسی نینگ کوپه‌یتیریشیچه، اوشبو کسلخانه وضعیتی گه توجه قیلینیشی و معاش‌لرنینگ قنده‌ی تولنیشی خصوصیده ساغلیق نی سقلش وزیرلیگی مسئوللری بیلن سوزلشه‌دیلر.
