بوگون هرات‌لیک عیاللردن اونلرچه‌سی «یا اولیم یا حیات» شعاری بیلن مذکور ولایت مقام بناسی برابریده ناراضلیک نمایش یولگه قوییشگن. اعتراضچی‌لرنینگ ایتیش‌لریچه، عیاللر اجتماع نینگ یریمی دیر و اولرنینگ حضوری یالغیز مکتب، بیلیم یورت و ساغلیک مرکزلرگه ییترلی ایمس؛ بلکیم بوتون سیاسی، اقتصادی، اجتماعی و فرهنگی بولیم‌لرده حضور تاپیش‌لری کیره‌ک.

اعتراضچی‌لرنینگ اورغولشیچه، طالبان نینگ حاضرگی حکومتیده عیاللرنینگ حضوری مذکور گروه نینگ قرمه‌قرشیلیگی بیلن روپه‌رو دیر. مذکور ناراضلیک نمایش گه شرکت قیلگن زرمینه نینگ ایتیشیچه،‌ «اجتماع ده عیاللرنینگ حضوری نی آلدینی آلیش فاجعه یره‌تووچی دیر.»

اوشبو اعتراضچی عیاللر، تحصیل حقی، اجتماع ده ایش قیلیش حقی، عمومی بولیم‌لرده عیاللرنینگ حضوری، سیاسی و اجتماعی فعالیت‌لر و خوفسیزلیک و آسایشته‌لیک دن فایده‌لنیش نی ایسته‌گن. اعتراضچیلر کیله‌جک حکومت رهبرلیک چارچوبه‌سیده عیاللرنینگ حضوری گه تأکید قیلیب ایتیشیچه، اولر عیاللرنینگ حق‌لرینی قولگه کیلتیریش اوچون ییل‌لرچه سعی و حرکت قیلیب قربان‌لیک بیرگن و بولر برچه‌سی نظرگه آلینیشی کیره‌ک.

بیزلرنینگ فیسبوک صحیفه‌میزگه باش اورینگ! 

اعتراضچی‌لرنینگ کوپه‌یتیریش‌لریچه، اولرنینگ اجتماعی و سیاسی فعالیت‌لرده حضوری نی آلدینی آلیش ناممکن دیر. اعتراضچی عیاللرنینگ ایتیش‌لریچه،‌ تجربه کورستگن که اجتماع ده عیاللرنینگ حضوری نی آلدی آلینیشی حکومت‌لرنینگ نابود بولیشی گه سبب بولگن.

طالبان حاضرگچه متوسطه دوره گچه عیاللرنینگ مکتب‌لرگه حضور تاپیشی و ساغلیک مرکزلرده عیاللرنینگ حضور تاپیشی گه رخصت بیرگن.

شونده‌ی بیرحالده، اوتگن کون طالبان کیله‌جک ایکی کون گچه ینگی حکومت تشکیل ایتیلیشی نی اعلام قیلدی. طالبان رهبرلیک گروهی اعضاسی شیرمحمد عباس استانکزی بی‌بی‌سی گه ایتیشیچه، تیزلیککه اعلام ایتیله‌دیگن دولت گه برچه قوم‌لر شامل بولیشی ممکن.

استانکزی نینگ اورغولشیچه، اولرنینگ نماینده‌لری سابق جمهوررئیس حامد کرزی، ملی مصالحه عالی کینگش باشلیغی عبدالله عبدالله و افغانستان اسلامی حزب رهبری گلبدین حکمتیار بیلن مصلحت قیلگن، بیراق بو سوزلشوولر مذکور کیشیلر کیله‌جک حکومتده شریک بولیش معناسیگه کیلمه‌یدی.

جناب استانکزی عیاللرنینگ نقشی توغریسیده ایتیشیچه، طالبان نینگ ینگی حکومتیده عیاللر هم نقش آلیشی ممکن و اولر حکومت تشکیل ایتیلگنیدن کیین وظیفه‌لریگه قیته آله‌دی. بیراق اونینگ اورغولشیچه، یوقاری مرتبه‌لی پست‌لرگه عیاللر وظیفه آلیشی نی آچیق ایته آلمه‌یدی.

طالبان سیاسی دفتری اورین باسری نینگ کوپه‌یتیریشیچه، اسلامی حجاب و افغانی عنعنه‌لرنی مراعات قیله‌دیگن عیاللر، اجتماع، مکتب و بیلیم یورت گه هیچ قندی قیینچلیککه روپه‌رو بولمه‌سی ممکن.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام