هرات ولایتی بوییچه ساغلیقنی سقلش ریاستی مسووللری نینگ ایتیشلریچه، هرات-قندهار قتناو یولیده یوز بیرگن ترافیکی حادثه نتیجهسیده، ۵ کیشی هلاک و باشقه ۲۰ کیشی یرهلنگن.
هرات ولایتی بوییچه ساغلیقنی سقلش ریاستی سوزلاوچیسی محمدرفیق شیرزی نینگ سلاموطندارگه ایتیشیچه، اوتگن “پنجشنبه” کونی شام چاغیده، مسافر تاشیووچی ایکی موتر اوشبو لایت نینگ «ادرسکن» تومنیده توقنشگن.
اونینگ ایتیشیچه، بو واقعهده ۳ ایرکک و ۲ عیال هلاک و عیاللر و بالهلر شامل باشقه ۲۰ کیشی یرهلنگن.
اونینگ کوپهیتیریشیچه، یرهلنگنلردن ۹ تهسی نینگ ساغلیک وضعیتی خواطرلنترووچی دیر.
عینحالده، ادرسکن ولسوالی علیاحمد فقیریار نینگ ایتیشیچه، بو واقعه اوتگن کونی شام چاغیده، ادرسکن تومنی نینگ «مهاجرین» منطقهسیده، سراچه بیر موترنینگ کرولا موتر بیلن توقنشگنی سبب یوز بیرگن.
اونینگ ایتیشیچه، بو واقعهده ۵ کیشی هلاک و باشقه ۱۵ کیشی یرهلنگن.
ادرسکن تومنی نینگ کوپهیتیریشیچه، هیداوچیلرنینگ دقتسیزلیگی سبب، بو واقعه یوز بیرگن.