اسلامی امارت رهبری ملا هبتالله آخوندزاده، ینگیلیکده عیاللر حقوقلری خصوصیده بیر فرمان صادر قیلگن. اوشبو فرمانده ایتیلیشیچه، عیال مال ایمس، بلکیم «ایرکین و اصیل انسان» دیر و هیچکیم عیال نی تینچلیک «بد» گه قرشی بیره آلمهیدی.
اوشبو ۶ مادهلیک فرمان بوگون “جمعه” اسلامی امارت سوزلاوچیسی ذبیحالله مجاهد تامانیدن نشر ایتیلگن. فرمان گه کوره، نکاح ده بالغ قیز نینگ رضایتینی آلیش نیاز دیر.
اسلامی امارت رهبری تامانیدن نشر ایتیلگن فرمان ده ایتیلیشیچه، عیال نینگ تورموش اورتاغی(ایری) وفات قیلگنیدن سونگ، بیوه عیالنی ایری نینگ ایناغهسی زوردن نکاح گه آله آلمهیدی.
مذکور فرمان ده ایتیلیشیچه، عیالنی متوفی ایری نینگ مال و فرزندیگه حق میراثی بار دیر و هیچکیم اولرنی بو حق دن محروم قیله آلمهیدی.
اسلامی امارت رهبری اوشبو فرمان ده حج و اوقاف وزیرلیگی گه عالملر و مسجدلرنینگ خطیبلرینی خطبهلرگه عیاللر حقوقلری خصوصیده اهالی گه معلومات بیریشلری اوچون تشویق قیلیشی خصوصیده بویروغ بیرگن.
شونینگدیک، ملا هبتالله آخوندزاده، معلومات و مدنیت وزیرلیگی گه عیاللر حقوقلری خصوصیده فایدهلی مطلبلرنی تحریری و صوتی شکلده ارتباطی واسطهلر آرقهلی ترقهتیشی خصوصیده بویروغ بیرگن. اسلامی امارت رهبری عالی محکمه و باشقه نهادلرگه عیاللر اینیقسه بیوه عیاللر حقوقلری خصوصیده بولگن عریضهلرنی جدی شکلده تیکشیریشلری خصوصیده هدایت بیرگن.
ایتیلیشیچه، افغانستانده اسلامی امارت حاکم بولگنیدن سونگ، هردایم عیاللر اساسی حقوقلری جمله دن تعلیم کوریش، ایش و سیاست دن محروم قالیشلریدن خواطر بیلدیرگنلر. اسلامی امارت رهبری نینگ ینگی فرمانیده عیاللرنینگ تعلیم کوریش و ایشلش حقوقلریگه اشاره قیلینمهگن. بوندن آلدین اسلامی امارت مسووللری عیاللر اسلام شریعتی چارچوبهسیده تعلیم کوره آلهدی دیگن ایدیلر.