حکومت مذاکرهچی هیأت اعضالریدن قطاری سوزلشوولرنی قیته باشلش اوچون، بوگون دوحه کیتیشلریگه قرار قیلینگن بیرحالده، بیراق طالبان رهبری نینگ یوقلیگی توغریسیدهگی بیاناتی تینچلیک پروسیهسیگه نیمه تأثیر قویهدی؟
نیچه کون آلدین ملی خوفسیزلیک کینگش مصلحتچیسی حمدالله محب، کوپ وقت دن بویان طالبان رهبری ملا هبتالله دن خبر یوقلیگی نی بیلدیریب و اونینگ عالم دن اوتگن احتمالی بار دیگن ایدی.
ایش بیلرمانلردن بیری حمدالله محب نینگ ایتیشیچه، طالبان رهبری ایکی ییل آلدین تینچلیک سوزلشوولری باشلنهدیگن بیرحالده، او بو سوزلشوو باشلهنیشی گه قرشیلیک بیلدیریب و پاکستان نینگ کویته شهریده اویی نینگ یقیینلیگیدهگی مسجد ده مذکور مملکت تامانیدن ریجهلنتیریلگن پارتلش ده، باشقه ایکی کیشی بیلن تن جراحتی کوتاریب و کیین ایسه کسلخانهده جان بیردی.
بیزلرنینگ فیسبوک صحیفهمیزگه هم باش اورینگ!
جناب حیدری نینگ ایتیشیچه، اونینگ بارلیگی یا یوقلیگی نی تینچلیک سوزلشوولریده هیچ قندهی سلبی و یا ایجابی تأثیری یوق، چونکه هر نرسه آیاسآی تامانیدن اداره بولهدی و طالبان برچه نرسهلرنی اولرنینگ بویروغی بیلن انجام بیرهدی.
حیدری نینگ کوپهیتیریشیچه: «طالبان آیاسآی نینگ بویروغی اساسیده ایش قیلهدی. بیللی که طالبان جدی باسیم آستیده قرار تاپگن. اولر آیاسآی نینگ بویروغی اساسیده قرار آلهدی. دوحه ده آمریکا گه کوپ امتیازلر بیریلگن و پاکستان بو موضوع دن کوپ خرسند دیر.»
عین حالده، طالبان سابق اعضالریدن بیری حسن حقیار، طالبان رهبری نینگ اولگنی یا-ده حیات بولگنی نی رد قیلمهی بیراق ایتیشیچه، اونینگ اولیمی یا-ده حیات بولگنی طالبان نینگ سیاستی و اوروشی اوستیگه سلبی یا ایجابی تأثیری یوق.
اونگه کوره، طالبان رهبری نینگ اولیمی نی تبلیغ قیلهدیگن کیشیلر، تینچلیک پروسهسیده قیینچیلیک یرهتیش نی ایستهیدی.
بیزلرنینگ توییترده هم تعقیب قیلینگ!
بولرگه علاوه، طالبان اوزلرینی ایرکین بیر گروه بیلیب و پاکستان نینگ بویروغی گه حرکت قیلیشلرینی رد قیلگن.
طالبان اوتگن کون بو گروه رهبری ملا هبتالله نینگ اولیمی نی رد قیلدی.
بو بیاناتلر ارایه ایتیلگن بیرحالده، شونینگدیک نیچه ییل آلدین طالبان سابق رهبری ملا عمر نینگ اولیمی توغریسیده هم گزارشلر ترقهتیلدی و بو موضوع نیچه مرته رد بولدی، بیراق نهایتده طالبان اونینگ اولیمی نی تصدیقلهدی.