ایش بیلرمانلرنینگ ایشانچ‌لریگه کوره، دنیا جماعه‌چیلیگی، افغانستان نینگ ایچکی ثبات‌سیزلیک تامان کیتیشینی ایستمه‌یدی و انه‌شو باعث، یاردم‌لریگه دوام بیریشی ممکن، لیکن افغانستان حکومتی ایسه اوشبو موضوعدن ناتوغری فایده‌لنیش بیلن تعهدلریگه عمل قیلمه‌یدی.
بیلیم یورت اوقیتووچیسی رضا فرزام نینگ ایتیشیچه، دنیا جماعه‌چیلیگی نینگ یخشی نیتیدن افغانستان حکومت مقام‌لری ناتوغری استفاده قیلگنی باعث، افغانستان دنیا جماعه‌چیلیگی نینگ یانیده اعتبارینی قولدن بیرگن.
جناب فرزام نینگ کوپه‌یتیریشیچه، دنیا جماعه‌چیلیگی، افغانستان ایچکی ثبات‌سیزلیک بیلن دوچ کیلیشینی ایستمه‌یدی و بو موضوعی افغانستان حکومتی هم بیله‌دی و انه‌شو سبب، ناتوغری فایده‌لنه‌دی.
جناب فرزام گه کوره، کرونا ویروسی یاردم بیره‌دیگن اولکه‌لرنینگ اقتصادی اوستیگه سلبی تاثیر قویگنی، افغانستان حکومتی بروکسل کنفرانسیده اداری فساد قرشیسیده کوره‌شیش خصوصده بیرگن سوزلرینی عملگه آشیرمه‌گنی، ساختاری اصلاحات‌گه توجه قیلمه‌گنی، عیاللر کوچ‌لنتیریلمه‌گنی، انسان حقلری تأمین بولمه‌گنی و چیت‌ایللیک حربی‌لر افغانستاننی ترک ایتیشی باعث، یاردم بیره‌دیگن اولکه‌لر یاردمی آزه‌یشی ممکن. بونده‌ی واقعه عراق اولکه‌سیده هم یوز بیرگن ایدی.
شونینگدیک، صناعت و سوداگرلیک اتاق اورین باسری خان جان الکوزی نینگ ایتیشیچه، دولت فساد گه قرشی کوره‌شیشده ادعا قیله‌دی، لیکن خصوصی سکتورلر دولت نینگ اوشبو ادعاسینی رد قیلگن.
جناب الکوزی‌گه کوره، خلق ارا جماعه‌سی نینگ یاردم‌لری کمه‌یگن بیرحالده، دولت بو وضعیتی نی کنترول قیلیش اوچون سعی و حرکت قیله‌دی، بیراق کرونا نینگ کوپه‌یگنی اوچون حاضر هیچ‌قنده‌ی بیر امککانیت یوق.
عین‌حالده، مالیه وزیرلیگی سوزلاوچیسی شمروز خان مسجدی نینگ ایتیشیچه، افغانستان دولتی فسادگه قرشی کوره‌شیش اوچون سوز بیرگن. اداری فسادگه قرشی کوره‌شیش کمیسیونی ایجاد بولگن و فسادگه قرشی کوره‌شیش قانونی هم نماینده‌لر کینگشی‌گه یوباریلگن.
اونگه کوره، حاضرگه‌قدر یاردم بیره‌دیگن مملکت‌لر تامانیدن یاردملر آزه‌یش خصوصیده هیچ‌قنده‌ی بیر نشانه بولمه‌گن. بیراق، کمک‌لر آزه‌یگن بیرحالده، دولت اوز خره‌جتی نینگ کوتاره آله‌دی.
