طالبان رهبری ملا هبت‌الله نینگ قربان هییتی مناسبتی بیلن نشر قیلگن پیامی‌ده ایتیشیچه، اوشبو گروه افغانستان قیین‌چیلیکلرینی سیاسی یول آرقه‌لی حل ایتیلیشی‌نی ایسته‌یدی و اسلامی نظام ایجاد ایتیلیشی، تینچلیک و ثبات اوچون هرقنده‌ی فرصت‌دن فایده‌لنه‌دی.
اوشبو پیام ده ایتیلیشیچه، طالبان گروهی مسله‌نی سوزلشوو آرقه‌لی حل ایتیلیشی‌گه تعهدلی دیر، لیکن قرشی تامان وقت‌نی ضایع قیله‌دی
سلام‌وطندار اوزبیک بولیمی‌نی فیسبوک‌ده تعقیب قیلینگ
ملا هبت‌الله نینگ ایتیشیچه، چیت‌ایللیکلرگه تکیه قیلیش اورنیده قیین‌چیلیکلر اوز آره‌میزده حل ایتیلیشی کیره‌ک.
طالبان رهبری نینگ تاکید قیلیشیچه، چیت‌ایللیک‌لر افغانستاندن چیقگنیدن سونگ، بوتون دنیا بیلن سیاسی، اقتصادی و دیپلماتیک رابطه‌لر باغله‌ش اوچون سعی و حرکت قیله‌میز.
مملکت کوپ‌قطار ولایتیده امنیتی کوچلر و طالبان جنگریلری آره‌سیده شدتلی آتیشمه‌نی دوامی بولگن بیر حالده، طالبان رهبری هییت پیامی‌نی نشر قیلگن و اوشبو پیام ده هییت کونلریده آتیش‌کیسین‌گه اشاره قیلینمه‌گن.
سلام‌وطندار اوزبیک بولیمی‌نی فیسبوک‌ده تعقیب قیلینگ
شونینگدیک، ملی مصالحه کینگشی باشلغی عبدالله عبدالله رهبرلریگه بولگن حکومت یوقاری لوازملی بیر هیاتی اوتگن کوندن بویان طالبان هیاتی بیلن مذاکره قیلماقده.
ایتیلیشیچه، مذکور سوزلشوولر بوگون هم دوام قیلگن و قوشمه بیر اعلامیه آرقه‌لی یکونلنیشی ممکن.
