فلیپین پولیسینینگ اعلام قیلیشیچه، اوشبو مملکت مرکزی حدودیده جایلشگن بیر مکتبده یوز بیرگن آتیشمه عاقبتیده، اوچ کیشی اولیب و بیش کیشی یرهلنگن.
رویترز آژانسینینگ بوگون (۱-سرطان/ ۲۲-جون، دوشنبه)، گزارش بیریشیچه، اوشبو آتیشمه فلیپیننینگ لیته ولایتی تاکلوبان شهریده، «سان خوزه» مکتبیده یوز بیرگن.
پولیس رسمیلریگه کوره، آتیشمهدن کیین خوفسیزلیک کوچلری آرقهلی ایکی کیشی قولگه آلینیب و واقعه سببی توغریسیده تیکشیروولرنینگ دوامی بار.
تاکلوبان پولیسی باشلیغی نولیتو گتیگاننینگ ایتیشیچه، هجومچیلردن بیری توقیزینچی صنف اوقووچیسی ایکن.
شونینگدیک ۲۰۲۲-ییل جولای آییده، کوئزون شهریده جایلشگن آتنئو بیلیم یورتی حقوق فاکولتهسیده اوتکزیلگن فراغت مراسمی جریانیده، قوراللی بیر کیشی آرقهلی اوچ کیشی اوققه توتیلگن ایدی.
