امریکانینگ لوئیزیانا ایالتیده یوز بیرگن آتیشمهده، قوراللی بیر ایرکک اوزینینگ ییتی بالهسی شامل ۸ بالهنی اولدیریب و باشقه ایکی کیشینی یرهلنتیرگن.
خلقارا ییتکرمهلرنینگ بوگون (۳۱-حمل/ ۲۰-اپریل، دوشنبه)، گزارش بیریشیچه، مذکور واقعه «شریوپوت» شهریده یوز بیریب و هجومچی پولیس بیلن توقنشوودن کیین هلاک بولگن.
محلی رسمیلر، قربانلرنینگ بیردن ۱۲ یاشر آرهسیده بولگنینی بیان قیلگن. مذکور واقعهده یرهلنگنلردن بیرتهسی اوشبو بالهلر آنهسی ایکن.
پولیسنینگ اعلام قیلیشیچه، بو واقعه کوپراق احتمال بیلن عایلهوی زورهوانلیک طفیلی یوز بیرگنی ممکن، بیراق حاضرگچه اونینگ انیق سببی بیللی بولمهگن.
معلومات اساسیده، جاری میلادی ییلده امریکا ده ۱۰۰ دن آرتیق آتیشمه ثبت بولیب و قربانلر آرهسیده اونلب باله هم شامل دیر.
