امریکانینگ کالیفرنیا ایالتی «سندیگو» شهریده جایلشگن اسلامی بیر مرکزده یوز بیرگن آتیشمهده، اوچ کیشی هلاک بولگن.
خلقارا ییتکرمهلرنینگ بوگون (۲۹-ثور/۱۹-می، سهشنبه)، خوفسیزلیک رسمیلریدن نقل قیلیب گزارش بیریشیچه، مذکور واقعه «نفرت طفیلی جنایت» صفتیده تیکشیریلهدی.
پولیسگه کوره، هجومچیلر ۱۷ و ۱۹ یاشلی ایکی ییگیت بولیب، آتیشمهدن کیین اولرنینگ جسدلری اوزلریگه قرهتیلگن اوق ایزلری بولگن حالده تاپیلگن.
سندیگو پولیس باشلیغی اسکات والنینگ ایتیشیچه، باشقه بیر سبب بیلینگنیگه قدر، مذکور واقعه دینی نفرت اساسیده صادر ایتیلگن هجوم صفتیده تیکشیریلیشی ممکن.
سندیگو بلدیهسی، مسلمان جمعیتی بیلن همدردلیک بیلدیریب و ایتیشیچه، «بو شهرده نفرت گه جای بولمهی» و مذهبی مرکزلر خوفسیزلیگی کوچهیتیریلهدی.
