بغلان ولایتی نینگ دهنه غوری تومنی مسووللری نینگ ایتیش‌لریچه، طالبان جنگری اوتگن کیچه اوشبو تومن مرکزی اوستیگه هجوم قیلگن و بو تومن بازارینی اوت بیرگن.
دهنه غوری تومنی ولسوالی محمدصابر قلیچ نینگ سلام‌وطندارگه ایتیشیچه، طالبان جنگریلری شکست بیلن دوچ کیلگنیدن سونگ، بازار و دکان‌لرینی اوت بیرگن. اونینگ کوپه‌یتیریشیچه، طالبان جنگریلری بیرینچیدن ۴ دکان و بیرقطار کراچی‌لرنی اوت بیریب و اوندن سونگ، قاچیب کیتگنلر.
دهنه غوری تومنی نینگ ولسوالی‌گه کوره، اوشبو تومن یشاوچیلری و کسبه‌کارلریگه کوپینچه مالی زیان ییتیشگن و امنیتی کوچلر زمانی‌ده یانغین‌نی اوچیریش‌گه موفق بولگن.
محمدصابر قلیچ نینگ ایتیشیچه، اوتگن کیچه یوز بیرگن آتیشمه عاقبتیده، طالبان گروهی نینگ ۳۰ آرتیق جنگریسی هلاک و یره‌لنگن.
دهنه غوری دکاندارلریدن نینگ ایتیش‌لریچه، طالبان نینگ بونده‌ی ایش‌لریدن خسته بولگنلر.
عین‌حالده، مملکت شمالیده کوماندو لواسی قومندانی صفی‌الله امیری نینگ سلام‌وطندارگه ایتیشیچه، ملی اردو و پولیس خاص کوچلری اوشبو ولایتده کیلگنیدن سونگ، طالبان جنگریلری بغلان مرکزی و دهنه غوری تومن‌لری و پلخمری شهری نینگ اطرافیده هجوم‌لرینی کوپه‌یتیرگن، بیراق کوپینچه تلفات بیریش بیلن اوروش میدان‌لریدن قاچیب کیتگنلر.
جناب امیری نینگ کوپه‌یتیریشیچه، دستلبکی معلومات‌لرگه کوره، مذکور آتیشمه‌لرده طالبان جنگریلریدن کمیده ۱۰۰ ته‌سی هلاک و یره‌لنگن. اونینگ ایتیشیچه، مذکور آتیشمه‌لرده طالبان جنگریلریدن بیرقطاری امنیتی کوچلر قولیگه اسیر بولگن.
شونینگدیک، ۲۰۹ شاهین قول اردو قومندانلیگی اورین باسری عباس توکلی پلخمری شهریده بارگن. اونینگ ایتیشیچه، شهر اطرافی و بغلان ایکی تومنیده حربی عملیات باشلنگن و تیزلیک بیلن بغلان ولایتی نینگ کوپ قطار منطقه‌لرینی طالبان وجودیدن تازه‌لنیشی ممکن.
امنیتی منبع‌لرنینگ ایتیش‌لریچه، مذکور آتیشمه‌لر جریانیده امنیتی کوچلردن ۴ ته‌سی هلاک و باشقه ۳ ته‌سی یره‌لنگنیدن سونگ، طالبان قولیگه اسیر بولگن.
طالبان گروهی حاضرگه‌قدر بوتوغریده فکر بیلدیرمه‌گن.
