جوزجان ولایتیده اسلامی امارت امنیتی مسئول‌لری نینگ ایتیش‌لریچه، اوشبو ولایت مرکزی شبرغان شهریده « تورموش اورتاغی بولگن ۱۳۰ عیال» نی ساتیش‌گه عیب‌لنگن بیر کیشی و اوغیرلاوچیلیککه عیب‌لنگن باشقه ۴ کیشی ایکینچی امنیتی حوزه‌سی رسمی‌لری تامانیدن قولگه آلینگن.
شبرغان شهری یشاوچی‌لریدن بیرقطاری نینگ ایتیش‌لریچه، اسلامی امارت نینگ بونده‌ی حرکت‌لری جنایت و انسان قاچاقی کمه‌یشیگه سبب بوله‌دی.
جوزجان پولیس قومندانی داملا سراج نینگ ایتیشیچه، اسلامی امارت کوچلری تامانیدن یولگه قوییلگن سعی و حرکت نتیجه‌سیده، اِیری بولگن ۱۳۰ عیال‌نی باشقه ولایت‌لرگه انتقال بیریب ساته‌دیگن بیر کیشی قولگه آلینگن. جناب سراج نینگ ایتیشیچه، مذکور کیشی اسلامی امارت کوچلری تامانیدن یولگه قوییلگن هدفلی عملیات نتیجه‌سیده قولگه آلینگن.
جوزجان امنیه قومندانی نینگ کوپه‌یتیریشیچه، اسلامی امارت کوچلری تامانیدن یولگه قوییلگن بیرقطار عملیات‌لرده باشقه ۴ کیشی اوغیرلاوچیلیککه عیب‌لنیب قولگه آلینگن.
شبرغان شهری نینگ ایکینچی امنیتی حوزه‌سی آمری مولوی محمدسردار مبارز نینگ ایتیشیچه، خوفسیزلیک‌نی تامین‌لش، اهالی نینگ آسایشته‌لیگی‌نی سقلش و جنایتچی‌لرنی قولگه آلیش اوچون هیچ‌قنده‌ی سعی و حرکتدن قول تارتمه‌یدیلر.
اونینگ کوپه‌یتیریشیچه، سیار گزمه‌لر، چک‌پاینت و امنیتی کمربند‌لرنی کوچلنتیریش مذکور ولایت نینگ امنیتی تامین‌لنیشی خصوصیده ایجابی تاثیر قویگن.
جوزجان یشاوچی‌لریدن بیرقطاری نینگ ایتیش‌لریچه، جنایتچی‌لرنی قولگه آلینیشی خصوصیده اسلامی امارت کوچلریگه یاردم بیره‌دیلر.
شبرغان شهرنینگ «چتگر‌خانه» قیشلاغی یشاوچی‌سی شیرمحمد نینگ ایتیشیچه، اوتگن “دوشنبه” کیچه اوغری‌لر موترینی اویی‌دن اوغرلب و سرپل ولایتی‌‌گه انتقال بیریش قصد قیلگن؛ بیراق، اسلامی امارت کوچلری تامانیدن قولگه آلینگن.
اونینگ اسلامی امارت سعی و حرکت‌لرینی خوش قرشی‌لب ایتیشیچه، اسلامی امارت قدرت‌گه قول تاپگنیدن سونگ، جنایت رقمی کمه‌یگن.
