کابل ده تاش کومیر ساتووچیلردن قطاری نینگ ایتیش‌لریچه، اسلامی امارت قدرتگه ایریشگنیدن بویان، تاش کومیر صادراتی و نرخی مثل‌سیز درجه‌ده کوپه‌یگن.
اولر نینگ ایتیش‌لریچه، اوتمیش‌لر گه قره‌گنده تاش کومیر نینگ نرخی ایکی برابر بولگن که، اولر نینگ کسب و کار‌لریگه زیان ییتیشتیرگن.
تاش کومیر ساتووچیلردن بیری احمد‌الله نینگ ایتیشیچه: «کونده ۵یوز الی ۶ یوز کامیون تاش کومیر پاکستانگه کیته‌دی، بوندن آلدین بیر تُن تاش کومیر نینگ بهاسی ۷ مینگ افغانی ایدی، بیراق حاضر ایسه ۱۷ مینگ افغانی بولگن.»
تاش کومیر ساتووچیلردن باشقه بیری ولی نینگ ایتیشیچه: «پاکستان بیلن قرار‌داد بولگن و او ییرگه تاش کومیر انتقال بیریله‌دی. افغانستان‌‌ده ایسه قیمت بولگن و یشاوچیلرنینگ تاش کومیر آلیش گه کوچی ییتیشمه‌یدی.»
بیزلرنینگ فیسبوک صحیفه‌میزگه باش اورینگ!
شونینگدیک کابل یشاوچیلریدن قطاری ایش فرصت‌لری نینگ یوقلیگی و یاقیلغی ماده‌لر اینیقسه تاش کومیر نرخی آشگنی خصوصیده خواطر بیلدیرگنلر.
شونده‌ی بیرحالده، کانلر و پترولیم وزیرلیگی نینگ سوزلاوچیسی عصمت‌الله برهان نینگ ایتیشیچه، سابق حکومت زمانیده تاش کومیر نینگ امتیاز حقی ۶۰۰ افغانی و اونینگ مالیاتی ایسه ۲۰ فایز ایدی، بیراق حاضر ایسه اسلامی امارت نینگ قدرتگه ایریشگنی کیین، امتیاز حقی ۳ الی ۴ مینگ افغانی‌گه ییتیشیب و شونینگدیک اونینگ مالیاتی ایسه ۳۰ فایز کوپه‌یگن.
او تاش کومیر صادراتی نینگ کوپه‌یگنی نی تصدیق‌لب ایتیشیچه، بیر تُن تاش کومیر سوداگرلر گه ۳ مینگ افغانی‌گه ساتیله‌دی و سالیق و باشقه خره‌جتلر بیلن بیر تُن تاش کومیر بهاسی کمیده ۷ مینگ افغانی بولهدی.
کانلر و پترولیم وزیرلیگی سوزلاوچیسی نینگ کوپه‌یتیریشیچه، پاکستانگه بیر تُن تاش کومیر ۴۵ مینگ‌دن آرتیق کلدار گه ساتیله‌دی و پاکستانگه تاش کومیر صادراتی نینگ کوپه‌یگنی نینگ دلیلی پاکستان بیلن باشقه مملکت‌لر قراردادی نینگ فسخ بولگنی دیر.
عین حالده، کان انجینیرلریدن بیری محمد لقمان، کانلر نینگ ایشلب چیقریلیشی خصوصیده احتیاط ایتیشی‌گه تاکید قیلیب، ایتیشیچه، ایشلب چیقریش پروسه مسلکی شکل‌ده عملگه آشیریلمه‌گن صورتده، ضایعات نینگ کوپه‌یشی ممکن.
اونینگ معلوماتی اساسیده، تاش کومیر نینگ ایشلب چیقریش پیتده، اونینگ ضایعاتی ۴۰ فایز دیر و قولگه کیلگن ۶۰ فایزیدن هم کوپینچه فایده نی قوشنی مملکت‌لر آله‌دی.
شونده‌ی بیرحالده، اقتصاد بیلرمانی تاج‌محمد تلاش نینگ ایتیشیچه، اسلامی امارت کانلر نینگ ایشلب چیقریلیشی اوچون خاص پالیسی گه ایگه بولیشی کیره‌ک.
اونینگ ایتیشیچه، تایش کومیر نینگ ایشلب چیقریلیشی بیر تامان‌دن دولت فایده سیگه دیر، بیراق باشقه تامان‌دن ایسه زیان ییتیشتیره‌دی. اونینگ کوپه‌یتیریشیچه: « تاش کومیر نینگ زیانی شو دیر که، قیش فصلیده یاقیلغی ماده کمه‌یب و تاش کومیر بهاسی قیمت بولهدی و بو اهالی گه کوپینچه زیان ییتیشتیره‌دی.»
بیزلرنینگ توییترده هم تعقیب قیلینگ!
بوندن آلدین مالیه وزیرلیگی ایتگن ایدی که، اسلامی امارت نینگ قدر گه ایریشگن کیین ۲ میلیون تُن‌‌دن آرتیق تاش کومیر مملکت‌دن تشقی مملکتلرگه صادر بولگن که اونینگ محصولی ایسه ۴ میلیارد افغانی‌گه ییتیشه‌دی.
ایتیش کیره‌ک که، مالیه وزیرلیگی میوه صادر قیلووچیلرگه زیان ییتیشمه‌یشی اوچون تاش کومیر صادراتی نی تورخم یولیدن منع قیلدی، بیراق تاش کومیر خوست، پکتیا و پکتیکا یول‌لریدن پاکستانگه انتقال بیریله‌دی.
