طبیعی آفت‌لرنی باشقریش بوییچه دولت وزیرلیگی نینگ ایتیشیچه، اوتگن ایکی کون ده مملکت نینگ ۷ دن آرتیق ولایتی ده یوز بیرگن سوو تاشقینی عاقبتیده، ۱۰ کیشی هلاک و یره‌لنیب و باشقه ۷۵۶ یشش اوی بوزیلگن.
طبیعی آفت‌لرنی باشقریش بوییچه دولت وزیرلیگی سوزلاوچیسی شفیع‌الله رحیمی نینگ ایتیشیچه: «اوشبو وزیرلیک اوتگن بیر آی ده ۵۳ عایله گه انسان پرورلیک یاردم کورستگن و کیله‌سی کون‌لرده احتمالی سوو تاشقینی تلفاتینی آلدینی آلیش اوچون اسلام امیرلیگی و یاردم بیرووچی تشکیلات‌لر گه طرح اوزه‌تگن.»
بیزلرنینگ فیسبوک صحیفه‌میزگه باش اورینگ!
قطار ولایت‌لرده یوز بیرگن سوو تاشقینی و زلزله طفیلی زیان کورگنلر نینگ ایتیشلریچه، اوتگن ایکی کون ده اوشبو واقعه‌لر باعث آغیر مالی زیان کوریشگن.
جوزجان درزاب تومنی یشاوچیسی محمدنعیم گه کوره، مذکور تومنده یوز بیرگن سوو تاشقینی ده، یشش اوی‌لر، ایکینچیلیک ییرلر و فرعی سرک‌لر بوزیلگن.
بوندن آلدین، افغانستان نینگ تورلی ولایت‌لریده یوز بیرگن زلزله عاقبتیده، ۱۰ کیشی هلاک بولیب و باشقه ۶۰ کیشی یره‌لنگن ایدی.
بیزلرنینگ توییترده هم تعقیب قیلینگ!
اوتگن هفته، تخار ده زلزله باعث زیان کورگنلر گه کوره، اوشبو ولایتده زلزله طفیلی یشش اوی‌لری بوزیلگن.
عین‌حالده، اوتگن بیر ییل ده سوو تاشقینی و کوچلی یاغینگرچیلیکلر باعث، افغانستان اهالیسی نینگ اوچ دن بیر قسمی زیان کوریب و نتیجه ده ۴۳۲ کیشی هلاک و یره‌لنیب و ۳ مینگ دن آرتیق یشش اوی بوزیلگن.
