نیمروز ولایتی مرکزی زرنج شهریده ایکینچیلردن قطاری نینگ سلام‌وطندار گه ایتیش‌لریچه، اوتمیش ییل‌لر گه قره‌گنده بو ییل محلی و مرکزی مسئوللر نینگ توجه‌سیزلیگی و قورغاقچیلیک باعث، کوپینچه زیان کوریب و یامان بیر وضعیت‌ده قرار تاپگنلر.
اولر گه کوره، مملکت‌ده بیر قطار یاردم بیرووچی نهاد‌لر تامانیدن کوپینچه یاردم‌لر کیلگنی بیرحالده، بیراق مذکور یاردم‌لر نینگ ترقه‌تیلیش جریانیده درست مدیریت بولمه‌گنی اوچون، اولردن کوپ قطاری اوشبو یاردم‌لردن فایده‌لنمه‌گنلر.
بیزلرنینگ فیسبوک صحیفه‌میزگه باش اورینگ!
نیمروز ولایتی نینگ ایکینچیلرلریدن بیری عبدالرووف نینگ ایتیشیچه: «نیچه ییللیک قورغاقچیلیک باعث، ایکین‌لریمیزدن ۹۰ فایزی گه زیان ییتیشگن. بیزلر گه یوباریلگن تشقی موسسه‌لر یاردم‌لریدن رضایتی‌میز یوق؛ چونکه موسسه‌لر یاردمی زرنج مرکزی‌ده آز و تومن‌لرده کوپ دیر.»
نیمروز ولایتی نینگ ایکینچی‌لریدن باشقه بیری محمدحیدر نینگ ایتیشیچه: «حاضر ایسه سوو آزلیگی باعث، دهقان‌لر ایشی یخشی ایمس. سوویمیز یوق، ایکین هم بولمه‌یدی. نیمروز ولایتی‌ده بعضی‌لر نینگ تقریباً ۸۰ الی ۹۰ فایز ایکینی و بعضی‌لر نینگ ۱۰۰ فایز ایکینی خراب و قوریگن دیر.»
شونینگدیک نیمروز ایکینچیلیک فعال‌لریدن غلام‌فاروق شریفی نینگ ایتیشیچه، اوشبو ولایت‌ده‌گی ایکینچیلردن کوپ قطاری سونگی ییل‌لرده کمال‌خان توغانی افتتاح بولگنی باعث، ییرلری گه نرسه ایککنلر، لیکن درست مدیریت یوقلیگی سبب، ییرلری قوریب و هیچ حاصل بیرمه‌گن.
بیزلرنینگ توییترده هم تعقیب قیلینگ!
شونده‌ی بیرحالده، نیمروز ایکینچیلیک ریاستی نینگ رواجلنیش عمومی مدیری عبدالواحد بارکزی، اوشبو ولایت دهقان‌لری نینگ زیان کورگنی نی قبول قیلیب و موسسه‌لر همکارلیگی‌ده یخشی و فایده‌لی برنامه‌لر نینگ تطبیق بولیشی و ایکینچیلر نینگ بوتون قیین‌چیلیکلری حل بولیشی خصوصیده سعی و حرکت قیلیش‌لری نی بیلدیرگن.
نیمروز ایکینچیلیک ریاستی‌ده مسئوللر نینگ بیاناتی اساسیده، یالغیز اوشبو ولایت ننیگ مرکزی‌ده ۴۰۰۰دن ۵۰۰۰ گه قدر دهقان بار که، اولردن برچه‌سی یامان اقتصادی وضعیت‌ده حیات کیچیره‌دیلر و ایکیلگن ییرلری هم حاصل بیرمه‌یدی.
