کابل شهری دن تیلنچیلرنی ییغیش گه دایر اسلامی امارت رهبری هبتالله آخندزاده نینگ دستوری دن قریب بیر آی اوتماقده دیر. افغانستان خلقی ایشسیزلیک باعث اقتصادی قیینچیلیککه دوچ بولیب و شهرلرده تیلنچیلر سانی کوپهیگن بیر حالده اوشبو دستور صادر ایتیلگن.
شو بیلن بیرگه، بوگون مطبوعاتی ییغینده اشتراک ایتگن افغان قیزیل آی جمعیتی سرپرستی مطیعالحق خالص نینگ ایتیشیچه، مذکور نهاد نینگ تیکشیرووی اساسیده، تیلنچیلیک قیلهدیگن ۱ مینگ ۶۹۵ عایله دن، یالغیز ۸۳ عایله، یاردم گه مستحق تانیلگن و قالگنلری ایسه حرفهای تیلنچیلر دیر.
بیزلرنینگ فیسبوک صحیفهمیزگه باش اورینگ!
افغان قیزیل آی جمعیتی سرپرستی نینگ کوپهیتیریشیچه، اوشبو عایلهلر حرفهای تیلنچیلر دیر که اولر علاقه دن تیلنچیلیک قیلهدی. اونگه کوره: «بیز بیر تیکشیروونی اوتکزدیک ۱ مینگ ۶۹۵ عایله دن یالغیز ۸۳ عایله مستحق تانیلگن و قالگنلری ایسه حرفهای تیلنچیلر دیر.»
عینحالده، افغان قیزیل آی جمعیتی اوشبو برنامه یکونیده، ۵۱ عایله گه نقدی یاردم کورستگن. مذکور اداره مسئوللری نینگ ایتیشلریچه، مستحق عایلهلر نینگ هر بیر اعضاسی گه ۲ مینگ افغانی یاردم بیریلگن.
عینحالده، یاردم آلگنلردن حجتالله گه کوره، بو یاردملر ییترلی ایمس دیر.
حجتالله نینگ ایتیشیچه: «بوندن آلدین شهرده تیلنچیلیک قیلر ایدیم و ۱۰کیشیلیک عایله اعضامیز بو یاردملر بیز اوچون ییترلی ایمس دیر.»
بیزلرنینگ توییترده هم تعقیب قیلینگ!
شو بیلن بیرگه، یاردم آلگنلردن باشقه بیری محمد موسا، اوشبو یاردملر دوام ایتیشیگه ایشانمهیدی و بو یاردملر دوام ایتیشی کیرهک دیدی.
عینحالده، کابل شهری بویلب تیلنچیلرنی ییغیش گه دایر اسلامی امارت رهبری ملاهبتالله آخندزاده نینگ دستوری دن قریب بیر آی اوتماقده دیر، شو بیلن هم سرپرست حکومت شهر بویلب برچه گدالرنی ییغیش گه قادر بولمهگن.