پاکستان و ایران دن کونده مینگ‌لرچه افغانستانلیک یشاوچیلر نینگ مملکت گه قیتیشلری بیلن، بیرلشگن ملت‌لر تشکیلاتی، بیراق ساغلیق و آزیق-آوقت خصوصیده اولرنی آگاه‌لنتیرگن. افغانستان ده بیرلشگن ملت‌لر تشکیلاتی نینگ آزیق-آوقت دستوری مسئوللری نینگ ایتیشلریچه، قاچقینلر آچلیک و نابیللی کیله‌جک بیلن روپه‌ره‌لر.
افغانستان ده بیرلشگن ملت‌لر تشکیلاتی نینگ آزیق-آوقت دستوری سوزلاوچیسی ضیاءالدین صافی نینگ سلام‌وطندار گه ایتیشیچه، اوشبو دستور یالغیز جاری آی‌ده پاکستان دن قیتگن ۲۲۵ مینگ افغانستانلیک قاچقین گه یاردم بیرگن؛ بیراق جناب صافی گه کوره، اولر بودجه کم‌لیگی بیلن روپه‌ره‌لر.
بیزلرنینگ «ایکس» ترماغی ده هم تعقیب قیلینگ!
بو خواطرلر شونده‌ی بیرحالده بیان بوله‌دی که، اسپین‌بولدک، تورخم و اسلام‌قلعه قتناو یول‌لریده مسئوللر،کونده پاکستان و ایران دن مینگ‌لرچه افغانستانلیک نینگ قیتیشی‌دن خبر بیرگنلر.
قندهار ده مهاجرلر ایشلری بوییچه ریاستی نینگ قیته بیرلشتیریش آمری نعمت‌الله الفت نینگ ایتیشیچه، یالغیز اوتگن بیر هفته‌ده، قریب ۱۵ مینگ کیشی پاکستان دن مملکت گه قیتگن دیر.
شونینگدیک اسلا‌قلعه کمیساری مسئوللری، کونده ایران دن ۲۰۰۰-۲۵۰۰ افغانستانلیک یشاوچیسی و تورخم کمیساری مسئوللری ایسه کونده پاکستان دن ۲۰۰-۳۰۰ عایله نینگ قیتیشی‌دن خبر بیرگنلر. پاکستان و ایران دن قیتگن یشاوچیلر، بیراق ساووق قیش و ساغلیق امکانیت و ییگولیک ماده یوقلیگی خصوصیده خواطرده‌لر.
ایران دن قیتگن یشاوچیلردن سیما، عایله سرپرستی دیر، بیراق ایران دن قیتگن یشاوچیلر بیلن مسئوللر نینگ ایکی رقم رفتار قیلیشی‌دن شکایت قیلیب و ایتیشلریچه، اسلام‌قلعه قتناو یولی‌ده، هیچ یاردم قولگه کیلتیرمه‌گن و قیش موسومی نی اوتکزیش اوچون هیچ امکانیتی یوق دیر.
بیزلرنینگ فیسبوک صحیفه‌میزگه باش اورینگ!
بولر گه علاوه، آمریکا اوشبو مملکت نینگ افغانستانلیک قاچقین‌لردن حمایتی دوامی و مهاجرت گه تیگیشلی دنیا تشکیلات‌لر نینگ همکارلیگی دوامی خصوصیده ایشانچ بیرگن.
ایتیش کیره‌ک که، بیرلشگن ملت‌لر تشکیلاتی آرقه‌لی ترقه‌تیلگن سونگی آمار اساسیده، کونده پاکستان دن ۱۷ مینگ‌دن آرتیق کیشی افغانستان گه قیتریله‌دی. باشقه بیر تامان‌دن، میدیالرده ترقه‌تیلگن آمار اساسیده، ایران دن افغانستان یشاوچیلری نینگ چیقریلیش پروسه‌سی کوپه‌یگنی‌دن بیری، ۴۰۰دن آرتیق افغانستانلیک یشاوچی ایران دن قیتگن دیر.
