کیتمه-کیت نیچه ییل قوروقچیلیکدن کیین، هرات اینیقسه بو ولایتنینگ شمالی تومنلریده بو ییل یوز بیرگن یاغینگرچیلیکلر، حاصلالر کوپهیشیگه ینگی امید آلیب کیلگن. هرات ایکینچیلیک، سووغاریش و چاروهچیلیک ریاستیده مسئوللر، للمی ایکینلرنینگ نسبتاً یخشی وضعیتیدن خبر بیریب و ایتیشلریچه، بو ییلگی یاغینگرچیلیکلر ایکینچیلیک و دهقانلر اوچون تورلی موسومنی یرهتیشی ممکن.
هرات ایکینچیلیک ریاستی زراعتی ایشلری بوییچه آمری بشیراحمد احمدینینگ ایتیشیچه: «۱۵۰ مینگدن آرتیق ییر للمی ایکین آستیده بولیب و اوندن کوپینچهسی کشک کهنه، کشک رباطسنگی، گلران و کهسان کبی تومنلرده جایلشگن. مرکز ده ۲۴۷ دن آرتیق ملیمتر و تومنلرده ۳۷۰ دن آرتیق ملی متر یاغینگرچیلیک ثبت بولگن.»
اونگه کوره، جاری ییلده یاغینگرچیلیکلر بوتون حدود بویلب و اوز وقتیده یاغیب همده اوتگن ییللردهگی قوروقچیلیکلرنی بیراز جبران قیلیشی کوتیلماقده. شونینگدیک دهقانلر وضعیتنینگ نسبی یخشیلنگنیدن خورسندلیک بیلدیرهدیلر؛ لیکن ینه هم اوتگن ییللردهگی قوروقچیلیک عاقبتلریدن خواطرلنگنلر.
نیچه ییللیک ایکیش تجربهسیگه ایگه بولگن ۵۸ یاشیر محمدعارف فیروزینینگ ایتیشیچه: «حیات کیچیرهدیگنیمیز منطقهده، ایکیندن قریب ۸۰ فایزی للمی دیر. آبی ایکینیمیز هم بار؛ لیکن آز دیر. سونگی ییللرده یخشی حاصلیمیز بار ایدی؛ لیکن سونگی ییل قوروقچیلیک و آفتلر بیلن روپهره بولدیک.»
کشک کهنه تومنیدهگی دهقانلردن باشقه بیری بشیراحمد، بو ییلگی یاغینگرچیلیکلرگه اشاره قیلیب و ایتیشیچه: «اوتگن ییل قوروقچیلیک سبب ۷۰ فایزگچه حاصللر کمهیگن ایدی. بو ییلگی یاغینگرچیلیکلر یخشی ایدی؛ بیراق حاضرگچه کوپراق یاغینگرچیلیککه نیازیمیز بار، اینیقسه ایسیقلیک کوپهیسه.»
اونینگ اورغولشیچه، دهقانلر اصلاح بولگن اوروغنی ساتیب آلیش امکانیتیگه ایگه بولمهی و زراعتنینگ مکانیزهلنیشی همده سوو منبعلری مدیریت بولیشی بولیمیده دولت حمایتیگه نیازلری بار.
باشقه بیرتاماندن، زراعتی مسئلهلر بیلرمانلریدن توریالی نوری، یاغینگرچیلیکلر کوپهیگنی و اونینگ ایکینچیلیک محصوللر صفتی و مقداری تاثیرگه تاکیدلب و ایتیشیچه: «دهقانلر آز سوو گه نیازی بولگن اوسیملیکلرنینگ ایکیشگه یوز کیلتیریب و سوو منبعلری مدیریت بولیشی مقصد، قطرهای سووغاریش و یامغیر سووی بیلن سووغاریش کبی زمانهوی سووغاریش اسلوبلریدن فایدهلنه آلهدیلر.»
شوندهی بیرحالده، هرات یشاوچیلریدن قطاری مذکور اوزگریشلرنی امیدوار قیلووچی بیلیب و جاری ییلده حاصلات کوپهیشینی دهقانلر اقتصادی قیینچیلیکلری بیر بولیمینینگ کمهیتیره آلیشیگه ایشانهدیلر.
هرات یشاوچیلریدن عبدالمطلب هنریارنینگ ایتیشیچه: «اوتگن ییللرده عدس، نخود، بوغدای و جواری کبی نرسهلرنی ساتیب آلیشده قیینچیلیک بیلن روپهره بولهر ایدیک، بو ییل دهقانلر حاصللری کوپهیشی و اقتصادی قیینچیلیکلرینینگ بیراز حل قیله آلیشلری توغریسیده امیدوارلیک بار؛ چونکه دولتنینگ دهقانلرنی حمایت قیلیشگه امکانیتی ییتیشمهیدی. شکر که بو ییل یاغینگرچیلیک بولدی و خدا قیلسین که دهقانلر بو ییلگی یاغینگرچیلیکدن فایدهلنه آلسینلر.»
هرات شهری یشاوچیلریدن باشقه بیری سید عبداللهنینگ ایتیشیچه: «کیتمه-کیت نیچه ییل قوروقچیلیک ایدی، بو ییلگی یاغینگرچیلیکلرنینگ دهقانلر اوچون ۷۰ فایز فایدهلی بولیشیگه امیدوارمیز. حاضر ایسه ایکینچیلیک صناعتی رواجلهنیب و دهقانلر هم ییر آستی سوولردن درست شکلده فایدهلنه آلهدیلر که یخشی دیر؛ بیراق بو ییلگی ایکی-اوچ مرته یوز بیرگن یاغینگرچیلیکلر بیلن قوروقچیلیکنینگ حل بولیشینی توسینسهک، بو درست ایمس؛ چونکه ۱۰ ییل قوروقچیلیک بولگن.»
گرچند بو ییلگی یاغینگرچیلیکلر سونگی کیتمه-کیت نیچه ییللردهگی قوروقچیلیکلر گه قرهگنده، هرات دهگی دهقانلر آرهسیده امیدنی کوپهیتیریب و قوروقچیلیک باسیمینی بیران کمهیتیرگن؛ بیراق بو وضعیت دوامی، سوو منبعلرینینگ فایدهلی و علمی مدیریت بولیشی همده دهقانلردن هدفلی و عملی حمایتلر هم، بو ولایتده زرعت یولینی ثبات و برقرار یخشیلنیش سری آلیب باره آلهدی.
