بلخ امنیتی مسئوللری اوشبو ولایتده قوراللی اوغریلر بیلن آتیشمهده اسلامی امارت حربیلریدن بیری نینگ اولگنیدن خبر بیرگن.
بلخ امنیه قومندانی سوزلاوچیسی محمدآصف وزیری نینگ ایتیشیچه، اوتگن کون شام چاغی اوشبو ولایت مرکزی مزارشریف شهرینینگ ۱۰- امنیتی حوزهسیده، اسلامی امارت حربیلری و قوراللی کیشیلر آرهسیده آتیشمه یوزبیرگن.
بیزلرنینگ فیسبوک صحیفهمیزگه باش اورینگ!
بلخ امنیه قومندانی سوزلاوچیسی گه کوره، مذکور آتیشمه عاقبتیده، اسلامی امارت حربیلریدن بیری اولیب و باشقه بیری ایسه یرهلنگن. اونینگ کوپهیتیریشیچه، قوراللی اوغیرلاوچیلر کرولا تیپلی بیر موترنینگ اوغیرلش پیتیده اسلامی امارت حربیلری نینگ قولیگه توشگن.
باشقه بیرتاماندن، بلخدهگی قطار منبعلرنینگ ایتیشلریچه، اسلامی امارت نینگ اوشبو ایکی حربیسی مذکور کوچلر و ناتانیش قوراللی کیشلر آرهسیدهگی آتیشمه باعث، هلاک و یرهلنگنلر.
بیزلرنینگ توییترده هم تعقیب قیلینگ!
عین حالده، مملکتده آچلیک و قشاقلیک کوپهیشیگه علاوه بیرقطار ولایتلرده قوراللی اوغیرلاوچیلیک و جنایی جرملر میزانیهم کوپهلگن. تخار محلی مسئوللری گه کوره، اوتگن کونی اوشبو ولایت نینگ مرکزی تالقان شهری اطرافیده اسلامی امارت کوچلریدن بیری قوراللی کیشلر تامانیدن اولدیریلگن.
شوندهی بیرحالده، پنجشنبه کونی ۳۰-جدی اسلامی امارت ایچکی ایشلر وزیرلیگی، اوغریلیک، آدم آوغیرلش و جنایی جرملر اسلامی امارت کوچلری نینگ سعی-حرکتی سبب صفرگه ییتگنینی اعلان قیلدی.