هرات امنیتی مسئوللری و مذکور صراف نینگ عایله اعضالریدن قطاری، مذکور ولایتده تانیقلی صراف‌لردن بیری عبدالرحیم صدیقی اوتگن کیچه (شنبه ۱۸- جدی) ساعت ۷ ده هرات شهریده، اویی تامان کیته‌دیگن بیرچاغده ناتانیش قوراللی کیشیلر تامانیدن اولدیریلگنی نی تصدیقله‌گنلر.

هرات امنیه قومندانلیگی نینگ مطبوعات آمری محمود رسولی نینگ سلام‌وطندارگه ایتیشیچه، مذکور حادثه هرات شهری نینگ ۸- ناحیه‌سیگه تیگیشلی «خواجه عبدالله انصاری» جاده‌سیده یوزبیرگن. اونگه کوره، مذکور حادثه حقیده هیچ کیم قولگه آلینمه‌گن و اسلامی امارت کوچلری حادثه عامل‌لرینی تانیب و قولگه آلیش اوچون سعی و حرکت قیلماقده‌لر.

بیزلرنینگ فیسبوک صحیفه‌میزگه باش اورینگ!  

شونینگدیک مذکور صراف عایله اعضالریدن قطاری نینگ ایتیش‌لریچه،‌ جناب صدیقی اویی تامان کیته‌دیگن بیر پیتده ناتانیش قوراللی کیشیلر آرقه‌لی اولدیریلگن. اوشبو صراف نینگ عایله اعضالریدن بیری عبدالواجد، اسلامی امارت مسئوللریدن بو حادثه عامل‌لرینی تانیب و قولگه آلیش‌لرینی سوره‌گن.

گزارشلر اساسیده، اسلامی امارت قدرت گه ایریشگنیدن کیین بو هرات شهریده اولدیریلگن بیرینچی صراف دیر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام