پلخمری شهری صراف‌لری بو شهرده ناتینچلیکلر و قوراللی اوغیرلاوچیلیکلر کوپه‌یگنی باعث ناراضلیک نمایش یولگه قوییشگن.
صرافلر ناراضلیک نمایش یولگه قویگن بیر حالده، بیر کون آلدین عبدالبصیر ناملی بیر صراف پوللرینی بانک که انتقال بیره‌دیگن بیرچاغده، قوراللی کیشیلر آرقه‌لی یره‌لنتیریلیب و کمیده ۴ یریم میلیون افغانی‌سی مذکور کیشیلر تامانیدن اوغیرلنگن.
عبدالبصیر نینگ ایتیشیچه، اوغیرلاوچیلر پولیس نینگ کوزینی برابریده اونینگ کلتکلب و پوللرینی آلیب کیتگن.
عین حالده، صراف‌لردن قطاری مذکور حادثه باعث اعتراض بیلدیریب و امنیتی نهادلردن اوغیرلاوچیلرنی قولگه آلیب و ناتینچلیکلر کوپه‌یشی توغریسیده جواب بیریش‌لرینی سوره‌شگن.
شونده‌ی بیرحالده، بغلان حاکمی محمد اکبر بارکزی نینگ سلام‌وطندارگه ایتیشیچه، او بو صرافلر بیلن صحبت اوتکزگن و مذکور حادثه تیزلیککه تیکشیریله‌دی.
باشقه بیر تاماندن بغلان پولیس قومندانلیگی سرپرستی صفی‌الله مخزون نینگ ایتیشیچه، مذکور اوغیرلاوچیلرنینگ بیر شاخه‌سی قولگه آلینگن و اولرنینگ عملیاتی نی دوامی بار.
اوشبو صرافلرنینگ ایتیش‌لریچه، دولت اولرنینگ خوفسیزلیگی توغریسیده توجه قیلمه‌گن صورتده، ایش و کارلرینی کمه‌یتیریش‌لری ممکن.
