اوغیرلنگن داکترنینگ اقاربلریدن بیری ثناءالله رستاقی نینگ فیسبوک صحیفهسیده یازیشیچه، اوتگن “سهشنبه” کونی آدم اوغیرلاوچیلر پروفسور هوشنگ رستاقی نی قندوز شهری نینگ «رستاقآباد» منطقهسیدن اوغیرلگنلر.
عینحالده، قندوز امنیه قومندانلیگی سوزلاوچیسی منصف قندوزی نینگ سلاموطندارگه ایتیشیچه، قوراللی کیشیلردن بیرقطار نشانهلر محلده قالگن و بو توغریده جدی تیکشیریشلر باشلنگن.
بیزلرنینگ فیسبوک صحیفهمیزگه باش اورینگ!
پروفسور هوشنگ رستاقی، جلدی و زهروی کسللر خصوصیده تخصص آلگن و ایکی دهه دن بویان قندوز شهریده فعالیت قیلهریکن.
ایتیلیشیچه، نیچه پیت آلدین اوغریلر قندوز شهریده ایکی کیشینی چکش بیلن اوریب اولدیرگن ایدیلر و بو واقعه خصوصیده حاضرگهقدر هیچکیم قولگه آلینگن ایمس. قندوز یشاوچیلری نینگ ایتیشلریچه، اوشبو ولایتده آدم اوغیرلاوچیلیک و جنایت رقمی کوپهیگن. اولر، اسلامی امارت مسووللریدن بو واقعه عامللرینی قولگه آلیش اوچون سعی و حرکت قیلیشینی سورهگنلر.