افغانستان اوچون امریکا نینگ مخصوص نمایندهسی توماس وست نینگ ایتیشیچه، افغانستان ده قیزلر مکتبلری نینگ یاپیق قالیش قراری «کیچک اقلیت» تامانیدن آلینگن؛ بیراق اوشبو مملکت نینگ ۹۰ فایزدن آرتیق اهالیسی، قیزلر مکتبلری نینگ آچیلیشی و خاتین قیزلر حقوقی تأمین ایتیلیشینی ایستهیدیلر.
افغانستان اوچون امریکا نینگ مخصوص نمایندهسی اوتگن کون (چهارشنبه، ۶ میزان)، واشنگتن ده امریکا نینگ مطالعه مرکزی ده نطق سوزلب ایتیشیچه، حتا اسلامی امارت نینگ قطار رسمیلری قیزلر نینگ مکتبلری آچیلیشی گه طرفدار دیر.
بیزلرنینگ فیسبوک صحیفهمیزگه باش اورینگ!
اونگه کوره، قیزلر گه مکتب باریش رخصتی بیریلگن تقدیرده، عیاللر گه ایشلش حقی بیریلیشی کبی باشقه بویوک مسئلهلر قالهدی که بولر بیر_بیری گه باغلیق دیر.
اوشبو هفته سهشنبه ۵ میزان، اسلامی امارت نینگ ایکی ییریک مقامی قیزلر مکتبلری نینگ آچیلیشی گه دایر ایکی تور سوز یوریتگنلریدن سونگ، توماس وست بوندهی بیانات بیرگن.
تشقی ایشلر وزیرلیگی نینگ سیاسی معینی شیرمحمد عباس استانکزی کابل ده اوتکزیلگن ییغینده ایتیشیچه، بیلیم ایرکک و عیال گه مطلق فرض دیر و قیزلر مکتبلری نینگ آچیلیشی گه طرفدار بولمهگنلر نینگ شرعی دلیللری یوق.
اسلامی امارت امر معروف و نهی منکر وزیرلیگی نینگ سرپرستی خالد حنفی، استانکزی نینگ بیاناتی گه مناسبت بیلدیریب ایتیشیچه، دنیایی بیلیم مباح دیر و «مباح» و «امیر» امری آرهسیده امیر نینگ امری دن اطاعت قیلیش واجب دیر.
بیزلرنینگ توییترده هم تعقیب قیلینگ!
اسلامی امارت قدرت نی آلیشی بیلن، آلتینچی صنف دن یوقاری قیزلر مکتبلری یاپیلدی، ایچکی و خلقارا اورغولر بیلن، اسلامی امارت حاضرگچه قیزلر مکتبلری نینگ آچیلیشی گه یومشاقلیک کورستمهگن.