اسلامی امارت تامانیدن عیاللر نینگ یاپینیشلری خصوصیده صادر قیلینگن بویروغ گه قرشی عکس‌العمللر دوامیده آمریکا قوشمه ایالاتی نینگ افغانستان بوییچه خاص وکیلی توماس وست، بو توغریده خواطر بیلدیریب، بوکون اوز توییتر صحیفه‌سیده یازگن دیرکه، اسلامی امارت نینگ مذکور بویروغی خاتین-قیزلر حقوقینی محدود قیله‌دی.
بیزلرنینگ فیسبوک صحیفه‌میزگه باش اورینگ!
آمریکا قوشمه ایالاتی نینگ خاص وکیلی نینگ کوپه‌یتیریشیچه، خاتین-قیزلر نینگ تعلیم آلیش و ایش قیلیشلری برابریده چیکلاو یره‌تیش و نارضیلیک نمایشلرگه اشتراک قیلگن کیشی‌لر هدف قرار بیریلیشی و اسلامی امارت نینگ «عیاللر خصوصیده‌گی سیاست‌لری انسان حقوقی گه اهانت دیر.»
جناب وِست نینگ تأکید قیلیشیچه، اسلامی امارت نینگ عیاللر برابریده بولگن سیاستی و چیکلاولری، دوام ایتگن صورتده سرپرست حکومت نینگ بیرلشگن ملت‌لر تشکیلاتی بیلن بولگن رابطه‌لری اوستیگه منفی تأثیر قوییشی ممکن.
عین‌حالده، اروپا بیرلشمه‌سی نینگ تشقی سیاستی نینگ مسئوللی جوزپ بورل نینگ اوز توییتر صحیفه‌سیده یازیشیچه، افغانستانده هر بیرعیال و ایرکک، قنده‌ی بیر شکلده یاپینشلری خصوصیده اوزلری قرار آلیشلری کیره‌ک.
اونینگ کوپه‌یتیریشیچه، اسلامی امارت تعلیمی، ساغیلک و اقتصادی بولیم‌لرگه بولگن قیینچیلیکلرنی حل قیلیب و افغانستان یشاوچیلریگه بیرگن تعهدلرینی عملگه آشیریب و انسان حقوقی‌گه حرمت قیلیشلری کیره‌ک.
باشقه بیرتاماندن «افغان دادخواه‌لیک عیاللر گروهی» بیر اعلامیه ترقه‌تیب، عیاللرنینگ یاپینیشلری توغریسیده بیریلگن بویروغ برابریده قرشی‌لیکلرینی اعلام قیلگنلر.
بیزلرنینگ توییترده هم تعقیب قیلینگ!
شونینگدیک اعلامیه‌ده کیلیشیچه، افغانستان عیاللری هردایم حجاب‌نی رعایت قیلگنلر و «اسلامی امارت تامانیدن پیشنهاد قیلینگن حجاب، قرآن و سنت گه ماس ایمس دیر» اونگه قرشی دیرلر.
شونینگدیک مذکور گروه اسلامی امارت‌دن عیاللر یاپینیشلری اورینیده، مملکت بویوک سیاسی مضوع‌لری توغریسیده دقت قیلیشلرینی سوره‌گنلر.
