آمریکا قوشمه ایالت‌لری نینگ جمهوررئیسی جوبایدن گه کوره، اسلامی امارت مشروعیت‌گه تانیلیشنی کوتیشیدن آلدین آمریکا نینگ تقاعد قیلگن عسکری مارک فریریچزنی قوییب یوباریشی کیره‌ک.
بایدن بیر بیانیه‌ده ایتیشیچه، مارک فریریچز ایکی ییل آلدین، ۲۰۲۰-ییل ۳۱ جنوری‌ده افغانستان‌دن اوغیرلنگن و حاضر اسلامی امارت قولی‌ده دیر.
آمریکا جمهور باشلیغی بیانیه‌ده اورغولشیچه، مارک بیر دهه افغانستان یشاوچیلری‌گه یاردم بیرگن و هیچ قنده‌ی خطاگه یول قویمه‌گن؛ شو بیلن هم، اسلامی امارت ایکی ییل‌دن بویان اونی قماق‌دن قوییب یوبارمه‌گن.
بیزلرنینگ فیسبوک صحیفه‌میزگه باش اورینگ!
اونینگ تاکیدلشیچه، آمریکالیک یا که گناه‌سیز تینچ اهالی تهدید بولیشی هیچ وقت قبول قیلینمه‌یدی و اولرنینگ گروگه آلیش هم قورقاق لیک بیر ایش دیر.
شونینگدیک بایدن نینگ ایتیشیچه، اسلامی امارت مشروعیت‌گه تانیلیشی اوچون هدف و آرمان لریگه قول تاپیش‌نی کوتسه‌لر، تیزلیک بیلن مارک‌نی قوییب یوبارسین‌لر.
جمهوررئیس بایدن اوشبو بیانیه سیده، مملکت‌دن تشقری ناقانونی قولگه آلینگن مارک شامل برچه آمریکالیک‌لرگه، آمریکا حکومتی اولر اوی لریگه قیتگونچه سعی-حرکت قیلیشیدن ایشانچ بیلدیرگن.
بیزلرنینگ توییترده هم تعقیب قیلینگ!
عین‌حالده آمریکا قوشمه ایالت‌لری نینگ تشقی ایشلر وزیرلیگی علیحده بیانیه‌ده ایتیشیچه، اسلامی امارت بیلن اوتکزیلگن هر ییغینده مارک نینگ قوییب یوباریلیشی بحث‌گه آلینگن و اونینگ قوییب یوباریلیشی حکومت نینگ بیرینچی ایشی دیر.
