بغلان ولایتیدن بیرقطار امنیتی و محلی منبع‌لرنینگ ایتیش‌لریچه، طالبان گروهی بغلان-قندوز قتناو یولیدن اوتیب-قیته‌دیگن یولاوچی‌لردن بیرقطارینی اوزلری بیلن آلیب کیتگن.
اوشبو منبع‌لرنینگ سلام‌وطندارگه ایتیش‌لریچه، بوگون “شنبه” ایرته‌دن چاغیده طالبان گروهی بغلان مرکزی پلخمری شهری نینگ «پوزه ایشان» منطقه‌سیده، چیک‌پاینت ایجاد قیلیب پلخمری شهریدن شمال شرق ولایت‌لریده باره‌دیگن موترلرنی توخته‌تیب تیکشیرگن‌لر.
بغلان ولایتیدن امنیتی و محلی منبع‌لر کوپه‌یتیریشلریچه، حاضرگه‌قدر حکومت ایشلاوچی‌لری و یا-ده شبهه‌لی کیشی‌‍لردن بولمیش کمیده ۲۰ کیشی طالبان تامانیدن اوغیرلنگن و سرنوشت‌لری بیللی ایمس.
مذکور منبع‌لرگه کوره، طالبان گروهی بغلان-قندوز قتناو یولی‍‌‌نی «پوزه ایشان» منطقه‌سیده کامل صورتده باغلگن و اوشبو یولدن اوتیب-قیته‌دیگن موترلرنی قرارگاه‌لریگه انتقال بیریب تیکشیره‌دیلر و تیکشیریشدن سونگ، رخصت بیره‌دی.
بغلان امنیتی مسوول‌لری حاضرگه‌قدر بوتوغریده فکر بیلدیرمه‌گن.
