کابل شهریدهگی ایشلاوچیلردن قطاری نینگ ایتیشلریچه، ایش و درآمدلری یوقلیگی سبب، یاردم یا-ده قرض آلیش بیلن کیچه و کوندوزلری نی اوتکزهدیلر. اولر گه کوره، تورلیخیل بولیملرده مهارتلری بولگنی بیلن، بیراق ایش تاپه آلمهگنلر.
شوندهی بیرحالده، کابل شهری سرکلریدن بیریده بویش بویوملری نی بیر پقیر گه قوییب دیوار سایهسیده اولتیرگن حسامالدین نینگ ایتیشیچه، ایرتنگدن آخشمگچه، کوچه مه-کوچه، ایش اختریب یوریگن؛ بیراق ایش تاپه آلمهگن.
رنگمال و کابل شهری شوربازار منطقهسی یشاوچیسی بولمیش حسامالدین نینگ کوپهیتیریشیچه، قربان هییتیدن کیین بیر کون هم بولسهده، ایش تاپه آلمهگن. «اویده سکیز کیشیمیز، ساعت ۱۱ بولگن، بیراق ایرتنگ چایی نی ایچگنیم یوق. ایرتنگ ساعت ۵ ده بو ییرگه کیلگن ایدیم، حاضرگچه هیچ ایش یوق. سرگردان یوریگنمین. ۲-۳ آیدن بیری اوی کرایهسی نی بیرگنیم یوق. ایش تاپهی دیب کلیب اولتیرگنمین.»
بیزلرنینگ فیسبوک صحیفهمیزگه باش اورینگ!
حسامالدین گه کوره، ایش تاپه آلمهسلیک سبب، کوپینچه پیت اهالی آرقهلی یاردم بیریلگن نیچه ته نان نی اوی گه آلیب بارهدی.
کابل شهری تایمنی منطقه یشاوچیسی رازمحمد نینگ ایتیشیچه، جمهوریت توزومی نینگ قوللیشیدن کیین، دواملی شکلده ایش تاپه آلمهگن و عایله خرهجتلری نی قرض آلیش بیلن تامین قیلهدی.
رازمحمد نینگ کوپهیتیریشیچه: «بو ییل بیر کون هم ایش تاپه آلمهدیم. بیران وقت ۴ یا-ده ۵ ته نان خیرات بیرگنلری صورتده، ۱۰ ته نانخوریم بار که اوی گه آلیب بارهمن خیرات بیریلگن نانلر نی. ۲ یریم لک قرضدارمین. قرض و تیلنچیلیک بیلن حیات نی کیچیرهمن، کوپینچه کیچه آچ یاتهمیز.»
شوندهی بیرحالده، کابل شهری نینگ تایمنی سابقه منطقهسیده ایش تاپیش اوچون آلتی یاشر قیزی بیلن سرکلر اوستیده ایش نی کوتیب تورگن نهضت نینگ ایتیشیچه، کون جریانیده، اوزی غریبچیلیک قیلهدی و قیزی ایسه نانوایخانه یانیده اولتیریب و اهالیدن نان ایستهیدی.
نهضت اوشبو وضعیتدن خواطر بیلدیریب کوپهیتیریشیچه: «دایم آچلیکنی تحمل قیلهمیز. خدا بیلهدی که ایکی پیت نان ییهمیز. بالهلریم نانوایخانه یانیده اولتیرهدی که بیران ته نان بیرهدیلر دیب.»
بیزلرنینگ توییترده هم تعقیب قیلینگ!
عین حالده، اقتصاد وزیرلیگی سوزلاوچیسی عبدالرحمان حبیب نینگ ایتییشچه، اوشبو وزیرلیک نیازمند کیشیلر گه دایمی ایش زمینهسی نی یرهتیش اوچون سعی و حرکت قیلگن. «ایشیمیز نینگ باشیده آستقورمه پروژهلر گه توجهمیز بار؛ مثلا اوتگن ییل ۱۲ شرکت فعال بولدی و ۴۰ کیشی گه ایش زمینهسی یرهتیلدی. قشقری نینگ خام نفت قازیب چیقریلیش پروژهسی نینگ یولگه قوییلیشیده، قریب ۳ مینگ کیشی ایشلهیدی.»
شوندهی بیرحالده، یونیسف ایکی کون آلدیم بیر گزارش ترقهتیش بیلن، افغانستان ده نیازمند کیشیلر سانی نی ۲۸ میلیون ۸۰۰دن، ۲۹ میلیون ۲۰۰ مینگ کیشی گه کوپهیگنی نی بیان قیلگن ایدی.