بوگون (چهارشنبه ۱۹- قوس) جمهورلیک ریاست ایکینچی اورین باسری سرور دانش فسادگه قرشی کوره‌ش خلق‌ارا کونی نینگ نشانلش مراسمیده ایتیشیچه، سونگی ۵ ییلده حکومت نینگ فسادگه قرشی کوره‌ش خصوصیده ییترلیچه یوتوقی بولمه‌گن.
جناب دانش گه کوره، ییل‌لردن بویان دولتی نهادلرگه فساد کوپه‌یگن و بو قشاقلیک میزانی نینگ کوپه‌یتیرگن.
اونینگ کوپه‌یتیریشیچه، مملکتده دواملی اوروش و زوروانلیکلر فساد، مافیای گروه‌لرنینگ فعالیت‌لری، قاچاق و باشقه جرم‌لرگه زمینه یره‌تگن.
سرور دانش گه کوره، رسانه‌لرنینگ تحقیقی گزارش‌لری فساد نینگ کمه‌یتیریش اوچون تأثیرلی بولگن و مملکتده یالغیز بونده‌ی گزارشلر بیلن فساد نینگ فاش قیلیش ممکن و رسانه‌لرنینگ بو ایش‌لریدن حمایت قیلیش لازم.
دنمارک ایلچیسی میت کنودسن نینگ بو یغیینده ایتیشیچه، ۲۰۱۸- ییلده رشوت‌لرنینگ کوپینچه‌سی جامعه نینگ قشاق کیشی‌لری تامانیدن بیریلگن.
اونگه کوره، مذکور ییلده ۱.۷ میلیارد دالر جامعه نینگ قشاق کیشی‌لری تامانیدن رشوت آتیده دولتی نهادلرگه بیریلگن.
مالیه وزیرلیگی عبدالهادی ارغندیوال نینگ ایتیشیچه، مالیه وزیرلیگی فسادگه قرشی کوره‌ش اوچون، عایدلر بولیم ایشلاوچی‌لریدن ۲ مینگ ته‌سینی باش قاره‌لاوچیلیککه تانیشتیرگن.
باشقه بیر تاماندن، فساد گه قرشی کوره‌ش کمیسون باشلیغی عبدالقیوم نظامی نینگ ایتیشیچه، اوشبو کمیسیون ۵ اعضا بیلن جمهور رئیس نینگ بویروغی آرقه‌لی تشکیل تاپگن.
جناب نظامی گه کوره، مملکت اداری فساد نینگ اونملی عامل‌لریدن بیری مشابه و موازی اداره‌لرنینگ بارلیگی دیر.
