بلخ مرکزی، مزارشریف شهریده، ایاغیده ناگرانلیگی بولگن یاش بیر قیز، تعلیمی بیر مرکزنی آچیش بیلن تیکووچیلیک، سوادخوانلیک و آشپزلیک بولیملریده اونلب قیزگه تیکین شکلده اورگهنیش زمینهسینی یرهتگن. بو اقدام مذکور مرکزدهگی اوقووچیلردن قطاری اوچون مهارت اورگهنیش همده مالی مستقللیککه ایریشیش بوییچه بیر امکانیتگه اَیلنگن.
کمپیوترساینس بولیمی طلبهسی بولمیش ۲۴ یاشر فرشته محمودی، کوپینچه قیینچیلیک بولگنی بیلن ینه هم باشقهلر حیاتیده فایدهلی اورینگه ایگه بولیش اوچون سعیوحرکت قیلگن قیزلردن دیر. اونینگ ایتیشیچه، رواجلنیش مقصد هر بیر امکانیتدن فایدهلنگن. «اوزیم و جمعیتی رواجلنیشی اوچون یرهتیلهدیگن هر بیر فرصتدن فایدهلنیش اوچون حرکت قیلهمن. کوپینچه قیینچیلیک بیلن روپهره بولگنیم بیلن، بیراق قویراق بولیشیم مقصد هر بیر توسیقنی اوزیم گه بیر انگیزه توزهتدیم.»
فرشتهنینگ کوپهیتیریشیچه، اصلی مقصدی تعلیم و ایش فرصتلریدن محروم قالگن قیزلرگه یاردم بیریش دیر. «عیاللرنینگ ایش فرصتیگه ایگه بولمهگنینی کورگنیمده، کوچیم ییتگونگه قدر اولرگه تیکووچیلیک، آشپزلیک، سوادخوانلیک و خارجی تیللرنینگ اورگهنیش امکانیتینی یرهتیش گه قرار آلدیم که قیزلر بیران مهارتنی اورگهنیب و اوز ایاقلریگه توختهسینلر.»
لیکن اونینگ یولی قیینچیلیکسیز بولمهگن. او، امکانیت کملیگی و اقتصادی قیینچیلیکلرنی بو یولدن اوتیش بوییچه اصلی قیینچیلیکلردن بیلهدی. «امکانیت کملیگی، اقتصادی قیینچیلیکلر، اینترنت و مناسب محل یوقلیگی، جدی قیینچیلیکلریمیزدن دیر؛ چونکه برچه نرسهنی آنلاین شکلده اورگهتیش ممکن ایمس.»
ایاغیده ناگرانلیگی بولگن فرشتهنینگ ایشانچیگه کوره، ناگرانلیک هیچ قچان اونینگ رواجلنیشیگه توسیق بولمهگن. «ناگرانلیک، چیکلاو ایمس. ناگران بولگنیم هیچ قچان موفق بولیشیم اوچون هیچ قچان توسیق بولمهگن؛ چونکه مینیمچه حقیقی چیکلاو انسانلر ذهنیگه دیر و اراده بیلن یولنی دوام بیریش ممکن.»
شونینگدیک اوشبو تعلیمی مرکز اوقووچیلری هم، حیاتلری توغریسیده اوشبو تعلیملر تاثیرینی تیلگه کیلتیرهدیلر. جوزجان یشاوچیسی بولمیش ۲۳ یاشر سحرنینگ ایتیشیچه، اوشبو دستورلر اونگه ینگی بیر فرصتنی یرهتیب و بیش آیدن بویان مذکور تعلیمی مرکزده تیکووچلیکنی اورگنماقده. «تیکووچیلیککه باشلهگنیمدن بیش آی بولهدی و جودهیم خورسندمین. بو ییرده یالغیز بیر مسلکنی اورگنمهیمیز، بلکیم بو مسلک بیلن مستقل بولیب و درآمد قولگه کیلتیره آلهمیز. مذکور موسسه یالغیز بیر تعلیمی مرکز ایمس، بلکیم قیزلرنینگ مستقل شکلده عمل قیلیب و اوزلرینینگ امکانیتلریگه ایشانیشلری بوییچه بیر یولنی آچهدی.»
شونینگدیک تیکووچیلیکنینگ عملی مهارتلرینی اورگنه آلهگن قیزلردن باشقه بیری، مزارشریف شهری یشاوچیسی بولمیش ۲۰ یاشر فرزانهنینگ ایتیشیچه: «بو مدتده تیکووچیلیک، کییم قیچی قیلیش، تیکووچیلیک ماشینیدن فایدهلنیش و کییم دیزاینلنیشینی اورگندیم و حاضر بو یولدن درآمد قیله آلهمن. تیگین شکلده تعلیم کوریش بیزلرنینگ قیزیقیشیمیزنی کوپهیتیریب و دوام بیریشیمیزگه سبب بولگن.»
اوقووچیلرگه علاوه، مذکور مرکزدهگی ایش اورگهتووچیلری هم اوز مهارتلرینینگ باشقهلر اختیاریگه قوییشگه سعیوحرکت قیلهدیلر. رضاکار شکلده تیکووچیلیکنی اورگتهدیگن صفیه حبیبینینگ ایتیشیچه: «مقصدیم بو که باشقهلر مهارت و بیلیمیمدن فایدهلنسهلر و جمعیتگه خذمت قیله آلسم. تیکووچیلیک آز سرمایه بیلن درآمد منبعسیگه ییتیشیش ممکن بولگن مسلکلردن دیر. الحمدالله شاگردلردن قطاری خودکفالیککه ییتیشگنلر.»
اونگه کوره، مذکور تعلیمی مرکزده عملی شکلده یوزلب اوقووچی تعلیم کورگن. «قریب ۴۰۰ شاگردیم بار که درسلری عملی شکلده ویدیولرنی یوباریش بیلن ایشلنهدی که الحمدالله اولردن قطاری بو مهارتنی اورگهنیش بیلن درآمد گه ییتیشیب و خودکفالیک سری آدیم آلالگنلر.»
اوشبو قیینچیلیکلر آرهسیده، فرشته محمودینینگ ایشی کبی سعیوحرکتلر، اراده، مهارت و اجتماعی مسئولیتنی حس قیلیش بیلن عیاللرگه ینگی امکانیتلرنینگ یرهتیش ممکنلیگینی کورستهدی؛ بو امکانیتلر نهفقط اورگهنیش، بلکیم مالی مستقللیک و کیلهجککه امیدوار بولیشگه سبب بولهدی.
