بلخ امنیتی رسمی‌لری، عاشورا مراسمی عرفه‌سیده اوشبو ولایت ده مسجدلر و تکیه‌خانه‌لرنی باریب کورگنلر. بلخ ولایتی خوفسیزلیک رسمی‌لری، مذکور ولایت ده مسجدلر و تکیه‌خانه‌لرنی کوریش پیتیده، شیعه‌لر گه مذهبی مراسم‌لرینی اوتکزیش اوچون خوفسیزلیک تأمین ایتیلیشیدن ایشانچ بیرگنلر.
بلخ ولایتی امنیه قوماندان‌لیگی نینگ امنیت آمری عبدالحی عابد گه کوره، امنیتی ارگان‌لر قوشمه روشده عاشورا مراسمی تینچ فضاده اوتکزیلیشی اوچون خوفسیزلیک چاره تدبیر کورگنلر.
بیزلرنینگ فیسبوک صحیفه‌میزگه باش اورینگ!
جناب عابد نینگ کوپه‌یتیریشیچه: «عاشورا مراسمی اوچون خوفسیزلیک چاره تدبیر کوریلگن و یشاوچیلر مذهبی مراسم‌لرینی تینچ فضاده اوتکزیش‌لری ممکن.»
عین‌حالده، حسینی ماتم توتگن‌لر محرم مراسمی ده امنیتی رسمی‌لر نینگ حضورینی خوش قرشی‌لب، اولر نینگ بو حرکتینی اتفاق‌لیک بیلگیسی عنوان قیلگنلر.
بلخ یشاوچیسی سجاد موسوی نینگ ایتیشیچه، امنیتی رسمی‌لر تکیه‌خانه‌لرنی کیلیب کوریشی و خوفسیزلیک کوچلر تامانیدن امنیت تأمین ایتیلیشی، اولر نینگ خورسند قیلگن.
اونگه کوره: «بلخ امنیتی رسمی‌لری مسجدلر و تکیه‌خانه‌لرنی کیلیب کوریش‌لریدن خورسند میز و اولر نینگ بو حرکتی برادرلیک و اتفاق‌لیک مستحکم‌لنیشی گه سبب بوله‌دی.»
بیزلرنینگ توییترده هم تعقیب قیلینگ!
بلخ ده ماتم توتگن‌لردن باشقه بیری میرحسین رضایی، تکیه‌خانه‌لر امنیتی تأمین ایتیلیشیدن خورسندلیک قیلیب ایتیشیچه: «امنیتی کوچلر نینگ سعی‌وحرکتی طفیلی محرم مراسمی خوفسیزلیگی تأمینلنگن و امنیتی هیچ قیینچیلیک یوق دیر.»
بلخ ولایتی خوفسیزلیک رسمی‌لری، اوشبو ولایت ده مسجدلر و تکیه خانه‌لر امنیتی تأمین ایتیلیشیدن عین‌حالده ایشانچ بیرماقده‌لر، بوندن آلدین شیعه‌لر نینگ مسجدلری ده نیچه مرته قانلی هجوم اویوشتیریلگن.
