بدخشان ولایتینینگ بیر قطار تومنلریده یوز بیرگن سونگی سوو تاشقینلر نتیجهسیده اهالیگه کوپنیچه مالی زیان ییتیشگن. بدخشان حادثهلرگه قرشی کورهش ریاستینینگ دستلبکی معلوماتیگه کوره، نیچه تومنده اونلب یشش اوی، ایکینچیلیک ییر، مواصلاتی یول، سوو کاناللری و سوو ییتکزیش ترماقلری بوزیلگن.
بدخشان طبیعی حادثهلرگه قرشی کورهش باشلیغی محمداکرم اکبرینینگ ایتیشیچه، تگاب کشم تومنیده، ۴۰ ته، جرم تومنیده ۴۰ ته، درایم تومنیده ۲۷ ته، یمگان تومنیده ۲۰ ته، شهر بزرگ تومنیده ۱۵ ته و یاوان تومنیده ۱۵ ته یشش اوی بوتونلی شکلده بوزیلگن.
اکبریگه کوره، شونینگدیک باشقه اونلب یشش اوی قسمی شکلده بوزیلیب، یوزلب جریب ایکینچیلیک ییر، سوو کاناللری و مواصلاتی یوللر هم اورتهدن کیتگن.
بدخشان طبیعی حادثهلرگه قرشی کورهش باشلیغینینگ کوپهیتیریشیچه، تومنلردن قطاریده حاضرگچه تیکشیروو دوام قیلیب و جبرلنگن عایلهلرگه دستلبکی یاردملر ترقهتیلیشی مقصد سعیوحرکت بولماقده.
