تورکیه جمهور باشلیغی رجب طیب اردوغان، امریکا جمهور باشلیغی دونالد ترامپ، بحرین پادشاهسی، بیرلشگن عرب امیرلیگی باشلیغی، قطر امیری، مصر جمهور باشلیغی، سعودی عربستان ولیعهدی، اردن پادشاهسی، پاکستان حربی باشلیغی و امریکا جمهورلیک ریاستی کابینه اعضالری بیلن ویدیو کنفرانس آرقهلی سوزلشدی.
تورکیه علاقهلر ادارهسینینگ اجتماعی ترماقلریده ترقهتگن بیانیهسیگه کوره، اوشبو ویدیو کنفرانسده ایران و یقین شرقدهگی اوزگریشلر بحث گه آلینگن.
مذکور اوچرهشووده اردوغاننینگ اورغولشیچه، تورکیه دایم قیینچیلیکلرنی مذاکره و دیپلماسی یولی آرقهلی حل ایتیلیشینی قوللب-قوتلهگن. «تورکیه هر دایم مذاکره و دیپلماسی یولی آرقهلی قیینچیلیکلر حل بولیشیگه طرفدار بولیب، ایران بیان دیپلماتیک جریانینینگ امریکا جمهور باشلیغی دونالد ترامپ تاکیدلهگن درجهگه ییتگنیدن ممنون ایکنلیگیمیزنی بیرهمیز.»
تورکیه جمهور باشلیغینینگ کوپهیتیریشیچه، هرمز بوغوزیدن کفالت بیلن اوتیش کیلیشووی، منطقهده برقرارلیک تأمین ایتیلیشی و دنیا اقتصادیگه مثبت تأثیری بولیشی ممکن.
رجب طیب اردوغان، صلح مذاکرهلری اوچون واسطهچیلیک قیلگن مملکتلردن قدردانلیک قیلیب و ایتیشیچه، تورکیه ایران بیلن هر قندهی احتمالی کیلیشوونی حمایت قیلیشگه تیار دیر. شونینگدیک اونگه کوره، تورکیه منطقه بویلب تینچلیک برقرار بولیشی اوچون سعیوحرکت قیلهدی.
تورکیه جمهور باشلیغینینگ اورغولشیچه، تورکیه منطقه مملکتلری بیر-بیریگه تهدید بولمهگن ینگی بیر باسقیچنی ایستهیدی.
