چین جنوبغربیده جایلشگن یونگچوان منطقهسیده یوز بیرگن کوچلی یاغینگرچیلیکلر عاقبتیده، کمیده بیر کیشی اولیب و باشقه ۱۷ کیشی لادرک بولگن.
آناتولی آژانسینینگ بوگون (۳-جوزا/۲۴-می، یکشنبه)، گزارش بیریشیچه، کوچلی یاغینگرچیلیکلر شنبه کونی باشلهنیب و بوگونگچه دوام قیلگن.
هواشناسلیک رسمیلرینینگ آگاهلنتیریشیچه، مذکور یاغینگرچیلیکلر دوامی بیر قطار واقعهلر جملهدن ییر سیلجیشی، تاغ سیلجیشی و سوو تاشقینلر یوز بیریشی خوفلرینی کوپهیتیرهدی.
یونگچوان منطقهسیدهگی محلی رسمیلر، فوقالعاده وضعیت اعلام قیلیب، یارم بیرووچی و قوتقرووچی گروهلری شونینگدیک لادرک بولگن کیشیلرنی اخترماقدهلر.
