چیننینگ جنوبی و مرکزی حدودلریده کوچلی یاغینگرچیلیک و سوو تاشقینلری عاقبتیده چمهسی ۱۰ کیشی اولگن. بو طبیعی آفتلر اوشبو مملکتنینگ ایریم ولایتلریده کینگ کولملی ضرر ییتکزگن.
چین هواشناسلیک ادارهسی، بوگون (۲۹ ثور/۱۹ می، سهشنبه) بو مملکتده ینههم کوچلی یاغینگرچیلیک و بورانلر یوز بیریشی حقیده آگاهلنتیرگن.
چین عملدارلری، هونان و گوانگشی ولایتلریده تورتینچی درجهلی فوقالعاده حالت اعلان قیلگنلر. اوشبو درجهلی حالت وقتیده قوتقرو ایشلرینی تیزلشتیریش اوچون قوللنیلهدی. بو فوقالعاده حالت، هوبئی، چونگچینگ و گویژو ولایتلریده هنوز هم دوام ایتماقده.
چیننینگ بعضی حدودلری اینیقسه هوبئی ولایتیده کوچلی یاغینگرچیلیکلر تاریخی ریکاردلرنی ینگیلهگن. فقط ۴۸ ساعت ایچیده اوشبو ولایتدهگی ۳۳۷ ته شهرچهده ۱۰۰ ملیمتر یاغینگرچیلیک قید ایتیلگن.
رسمیلر، جبرلنگن حدودلرده مکتبلر، سودا فعالیتلری و ترانسپورت خذمتلرینی وقتینچهلیک بیکار قیلگن.
