شیلی عملدارلری، اوشبو مملکت ایریم حدودلریده کوچلی یاغینگرجیلیک و سوو تاشقینلری عاقبتیده، ۱۳ کیشی هلاک بولگنی، ییتی کیشی بیدرک یوقالگنی و ایکی مینگدن آرتیق کیشی ایسه آواره بولگنینی معلوم قیلگنلر.
رویترز، بوگون (۳۱ سرطان/۲۲ جولای، چهارشنبه) ترقهتگن گزارشیده، بورانلر شیلی مرکزی و جنوبی حدودلرینی قمرهب آلگن و اونینگ نتیجهسیده کینگ کولملی سوو تاشقینی یوز بیریب، یوللر توسیلیشی و یشش اویلر بوزیلیشیگه سبب بولگنینی ایتگن.
شیلی رسمیلری تامانیدن بیریلگن معلوماتلر گه کوره، اوشبو واقعهلرده ایکی مینگ ۲۸۱ کیشی آواره بولگن، ۸۱ یشش اوی بوتونلی بوزیلگن و ایکی مینگ ۷۶۱ یشش اوی جدی ضرر کورگن.
شونینگدیک، کوچلی یاغینگرچیلیک و سوو تاشقینلری سببلی، شیلی ایریم حدودلریده دییرلی ۸۷ مینگ کیشینینگ برقی اوزیلگن.
شیلی فوقالعاده اداره رسمیلری، سونگی کونلردهگی یاغینگرچیلیک سببلی حاضر هم ایریم حدودلرده سوو تاشقینی یوز بیریش احتمالی بارلیگی حقیده آگاهلنتیرگنلر.
