بیرلشگن ملت‌لر تشکیلاتی نینگ خوفسیزلیک کینگش اعضالری، ینه بیر مراتبه اسلامی امارت رسمی‌لریدن بیر قطاری نینگ سفری معافیتی اوستیگه کیلیشمه‌گنلر.
فرانسه آژانسی دیپلوماتیک منبع‌لردن نقل قیلیب یازیشیچه، بیرلشگن ملت‌لر تشکیلاتی نینگ خوفسیزلیک کینگش اعضالری، اوتگن کون (دوشنبه، ۳۱ اسد) اسلامی امارت رسمی‌لریدن قطاری نینگ سفری معافیتی اوستیگه کیلیشه آلمه‌گنلر.
خوفسیزلیک کینگشی نینگ ۲۰۱۱_ییل قطعنامه‌سی گه بناً، اسلامی امارت نینگ ۱۳۵ اعضاسی چیت ایل گه سفر قیله آلمه‌ی و سرمایه‌لری تحریم بولگن‌لردن دیر؛ بیراق اولردن باشقه بیر قطاری گه اوشبو چیکلاو یره‌تیلمه‌گن.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ خوفسیزلیک کینگشی جون آیی ده، اسلامی امارت نینگ ۱۳ مقامی نینگ سفری معافیتینی ایکی آی گچه تمدید قیلدی؛ لیکن قیز اوقووچیلر نینگ تعلیمی گه چیکلاو یره‌تیش مقصدیده معارف و عالی تحصیلات وزیرلری نینگ سفری معافیتی تمدید بولمه‌دی.
اسلامی امارت ۱۳ مقامی نینگ سفری معافیتی اوتگن کون جمعه یکونلندی.
دیپلوماتیک منبع‌لر گه کوره، غربی قطار مملکت‌لر اسلامی امارت نینگ سفری معافیتدن برخوردار مقام‌لری رقمینی کمه‌یتیریشنی ایسته‌یدیلر.
غربی مملکت‌لر نینگ ایشانچی گه کوره، اسلامی امارت بشر حقوقی دن حمایت قیلیش و تروریسم گه قرشی کوره‌ش اوچون بیرگن وعده‌لری گه عمل قیلمه‌گن.
فرانسه آژانسی نینگ معلوماتی اساسیده، بیرلشگن ملت‌لر تشکیلاتی خوفسیزلیک کینگشی نینگ دوشنبه کونگی ییغینیده، اسلامی امارت اعضالری نینگ رویخطی و اولر نینگ سفرلرینی چیکله‌یدیگن نیچه تکلیف بولدی؛ بیراق مؤافق و مخالف‌لر بیر قرار اوستیگه کیلیشه آلمه‌دیلر.
اوشبو گزارش گه بناً، مذاکره‌لر دوام تاپیشی کوتیله‌دی.
بیزلرنینگ توییترده هم تعقیب قیلینگ!
فرانسه آژانسی نینگ یازیشیچه، معافیت تمدید بولمه‌گونچه اسلامی امارت نینگ تحریم بولگن اعضالریدن هیچ بیری سفر قیله آلمه‌یدیلر.
اسلامی امارت تشقی ایشلر وزیرلیگی، بیرلشگن ملت‌لر تشکیلاتی نینگ خوفسیزلیک کینگشی دن، تحریم‌لردن اولر گه قرشی باسیم اوله‌راق فایده‌لنمسلیکنی سوره‌گن.
مذکور وزیرلیک سوزلاوچیسی عبدالقهار بلخی نینگ ایتیشیچه، دوحه بیتیمیده اسلامی امارت نینگ ییریک اعضالری گه قرشی برچه تحریم‌لر حذف ایتیلیشی اوستیگه کیلیشیلگن.
مملکت تشقی ایشلر وزیرلیگی نینگ سوزلاوچیسی، سفری معافیت تمدید بولمه‌گن تقدیرده، مذاکره‌لر و تعامل اورنیده فاصله اورته گه کیلیب و یامان عاقبت‌لریدن آگاه‌لنتیرگن.
