کابل دهگی منبعلر، اوشبو شهرده دینی بیر مدرسه ده پارتلش یوز بیرگنیدن خبر بیرگنلر. منبعلر گه کوره، اوشبو پارتلش بوگون توش دن کیین (پنجشنبه ۲۰ اسد) کابل شهری نینگ «ششدرک» منطقهسی رحیمالله حقانی مدرسهسیده یوز بیرگن.
منبعلر نینگ کوپهیتیریشیچه، دین عالمی و اسلامی امارت نینگ ییریک اعضاسی و حقانی مدرسهسی مسئولی رحیمالله حقانی، اوشبو پارتلش ده هلاک بولگن.
بیزلرنینگ فیسبوک صحیفهمیزگه باش اورینگ!
اسلامی امارت اعضالریدن قطاری، اوز توییترلریده واقعه محلی دن عکس و ویدیو ترقهتیب، رحیمالله حقانی هلاک بولیشینی تصدیقلهگنلر. اسلامی امارت سوزلاوچیسی نینگ اورین باسرلریدن بلال کریمی، مذکور دین عالمی هلاک بولگنینی تصدیقلهگن.
مذکور پارتلش تلفات رقمی حاضرگه قدر بیللی ایمس. منبعلر اوشبو واقعه خودکش هجوم ایکنینی معلوم قیلهدیلر.
کابل خوفسیزلیک مسئوللری، اوشبو پارتلش قندهلیگی و تلفاتی خصوصیده حاضرگه قدر هیچ نرسه دیمهگنلر.
بیزلرنینگ توییترده هم تعقیب قیلینگ!
واقعه مسئولیتینی هنوزگچه هیچ کیم یا گروه اوز زمهسیگه آلمهگن.
گزارشلر اساسیده، رحیمالله حقانی، اسلامی امارت سرپرست حکومتی شکللنیشیدن آلدین، پاکستان نینگ پیشاور شهری ده دینی بیر مدرسهنی باشقرر ایکن. او جمهوریت تیزیمی قوللشیدن کیین، اوز مدرسهسی (رحیمالله حقانی مدرسه) نی کابل گه انتقال بیرگن ایکن.