۱۴۰۱- تعلیمی ییل باشله‌نیشیدن ۲ آی اوتیشی بیل مکتب‌لر ایشیگی ۶- صنف‌دن یوقاری قیز اوقووچیلر یوزیگه حاضرگچه آچیلمه‌گن.
بیرقطار قیز اوقووچیلرنینگ ایتیشلریچه، اسلامی امارت معارف وزیرلیگی تعلیمی ییل باشلنمس‌دن آلدین ۶-صنف‌دن یوقاری قیز اوقووچیلری یوزیگه مکتب‌لر ایشیگی آچیلیشی خصوصیده وعده بیرگن ایدیلر، بیراق مذکور وزیرلیک بیرگن وعده‌سینی عملگه آشیرمه‌دی.
بیزلرنینگ فیسبوک صحیفه‌میزگه باش اورینگ!
عین‌حالده، اولر نینگ ایتیشلریچه، اسلامی امارت ۶- صنف‌دن یوقاری قیز اوقووچیلر یوزیگه شونده‌ی بیرحالده، مکتب‌لر ایشیگینی یاپگنلرکه بو خصوصده قانیقرلی دلیل‌لری یوق.
اوقووچی قیزلردن بیری مریم عثمانی نینگ سلام‌وطندارگه ایتیشیچه، «اوقووچی صفتده خواطرده میز اسلامی امارت تامانیدن قیزلر یوزیگه مکتب‌لر ایشیگی آچیله‌می یا یوق بیزلر نابیللی احوالگه قرار تاپگن میز حاضرگچه تقدیریمیز بیلی ایمس.»
بیرقطار اوقووچیلرنینگ ایتیشلریچه، قیزلر یوزیگه مکتب‌لر ایشیگی یاپیق قالیشی اولرنینگ اوستیگه سلبی تاثیر تَشله‌گن.
اوقیتووچیلردن بیری ذکیه حسینی، سلام‌وطندار بیلن اوتکزگن صحبتیده ایتیشیچه، قیز اوقووچیلرگه مکتب باریش اوچون رخصت بیریلمس‌لیگی اولرنینگ یامان روحی وضعیت‌گه قرار بیرگن.
عین‌حالده، اوقیتووچیلردن باشقه بیری عاطفه محمدی نینگ ایتیشیچه، ۶- صنف‌دن یوقاری قیز اوقووچیلر یوزیگه مکتب‌لر ایشیگی یاپیق قالگنی سبب اولر درس‌لردن کیین قالگنلر.
ایتیش کیره‌ک درکه افغانستانده اسلامی امارت حاکم بولگندن کیین ۶- صنف‌دن یوقاری قیز اوقووچیلرگه مکتب باریش اوچون ایزین بیریلمه‌دی.
بیزلرنینگ توییترده هم تعقیب قیلینگ!
ینگی‌لیکده اسلامی امارت سوزلاوچیسی انعمام‌الله سمنگانی، قیزلرنینگ مکتب‌لری آچیلیشی خصوصیده ۶ کیشی‌دن عبارت بیر کمیته ایجاد ایتیلگنیدن خبر بیریب ایتیشیچه، اوشبو قیینچیلیک تیزلیکده حل ایتیلیشی ممکن.
مذکور کمیته ایشلری نیچه فایز آلغه کیتگنی خصوصیده اوشبو کمیته اعضالریدن معلومات قولگه کیلتیریشنی ایسته‌دیک، بیراق موفق بولمه‌دیک.
ایتیش کیره‌ک دیرکه مملکت بیرقطار ولایت‌لریده ۶- صنف‌دن یوقاری قیز اوقووچیلر یوزیگه مکتب‌لر ایشیگی آچیق دیر.
