بوگون کابل ده «افغانستان ده دایمی ترقیات؛ قیینچیلیکلر و فرصت‌لر» عنوانیده علمی_تدقیقاتی سمینار، افغانستان اکادمی علوم ده اوتکزیلدی.
اسلامی امارت باش وزیری محمد حسن آخوندزاده نینگ پیامینی اوقیگن اسلامی امارت سوزلاوچیسی نینگ اورین باسرلریدن یوسف احمدی گه کوره، سرپرست حکومت اولکه بویلب ترقیات و دایمی تینچلیک برقرار ایتیلیشی مقصدیده سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
اسلامی امارت باش وزیری نینگ پیامی گه بناً، اسلامی امارت حاکمیتیدن کیین دایمی ترقیات اوچون شرایط یره‌تیلگن و بوتوغریده یخشی حکومتدارلیک، اسلامی امارت گه یاردم بیره‌دی.
یوسف احمدی نینگ ایتیشیچه: «جمعیت و اقتصاد گه دقت قیلیش، یخشی حکومتدارلیک و آست قورمه‌لرنی ایجاد ایتیش، دایمی ترقیات نینگ غایه‌لریدن دیر.»
باشقه تاماندن، افغانستان اکادمی علوم باشلیغی فریدالدین محمود نینگ ایتیشیچه، دایمی ترقیات گه قول تاپیش اوچون، اسلامی شریعت قانون_قاعده‌لرینی رعایت ایتیش لازمی دیر، اولکه فقرالری اسلام قاعده‌لرینی رعایت ایتمه‌گونچه، ترقیات گه قول تاپیش‌لری قیین دیر.
شونینگدیک جناب محمود گه کوره، سابق حکومت اولکه مقیاسیده برابر و دایمی ترقیات و برقرارلیک اوچون اونچه‌لیک دقت قیلمس ایدی.
بیزلرنینگ توییترده هم تعقیب قیلینگ!
فریدالدین محمود گه کوره: «بیرینچیدن اسلام قانون_قاعده‌لرینی اساسی روشده نهادینه قیلیش اوچون سعی و حرکت قیله‌یپمیز. خاتین قیزلر و ایرکک‌لر اوزلرینی اسلام گه عیار قیلیش‌لری درکار. اسلام بولمه‌گن مملکت حتا آزاد بولسه هم، ایریم زیان‌لر گه روپه‌ره بوله‌دی.»
علمی_تدقیقاتی سمینارده اشتراک ایتگنلر نینگ ایتیشلریچه، طبیعی منبع‌لردن قوللنیش، خصوصی سکتوردن حمات قیلیش، فساد گه قرشی کوره‌ش و شفافیت، دایمی ترقیات گه قول تاپیش اوچون مهم و اساسی موردلردن عبارت دیر.
