سلاموطندار خبرچیسی رومان کریمی و هیداوچیسی سمیعالله، بوگون توشدن آلدین ساعت ۱۰ده یولگه قوییلگن عیاللر اعتراضی نی پوشش بیریش اوچون کابل شهرنوی نینگ «حاجی یعقوب» تورتیولی گه کیتگن ایدیلر، بیراق اسلامی امارت استخبارات کوچلری تامانیدن قولگه آلینیب و کمیده ۷ ساعت قوماقخانهده ایدیلر.
کریمی نینگ ایتیشیچه، او و سمیعالله کمیده ۷ ساعت کابل ولایتی نینگ ۱۰_ استخبارات حوزه آمریتیده قوماقخانهده ایکنلر و ساعت ۵ده ایسه قوییب یوباریلگنلر. اونینگ کوپهیتیریشیچه، خبرچیلیک کارتی نی اسلامی امارت کوچلری گه کورستگنی بیرحالده، بیراق اونینگ صحبتلری گه توجه بولمهی، قولگه آلینیب و کلتکلنگن.
بیزلرنینگ فیسبوک صحیفهمیزگه باش اورینگ!
رومان کریمی نینگ ایتیشیچه: «مینی قولگه آلگنلری پیتده، ترافیک غرفهسیگه آلیب باردیلر و موبایلم نی آلدیلر و اوندن کیین، موبایل نینگ رمزی نی اوریب موبایل نی آچ دیدیلر، شخصی فایللریم بار دیگنیم بیر چاغده مینی کلتکلهدیلر.»
سلاموطندار خبرچیسی نینگ کوپهیتیریشیچه، قولگه آلینگنی و موبایلی نی آچگنیدن کیین، اسلامی امارت کوچلری بوتون فایللری و اجتماعی ترماقلری نی تیکشیرگنلر.
رومان کریمی نینگ ایتیشیچه، کابل ولایتی نینگ ۱۰_استخبارات حوزه آمریت مسئوللری اوندن، بوندن بویان بو رقم اعتراضلرگه شرکت قیلمهیشی نی ایستهگنلر. اونگه کوره، اسلامی امارت استخبارات کوچلری نیویورک تایمز کوندهلیگی نینگ تصویربرداری فرزاد نی هم قولگه آلگن ایکنلر و اولر بیلن بیر پیتده قوییب یوباریلگن.
شوندهی بیرحالده سلاموطندار خبر بولیمی مدیری گلمحمد گران نینگ ایتیشیچه، اسلامی امارت خبرچیلر امنیتی نی تامینلش اوچون مسئولیتی بار و یشاوچیلر نینگ هرقندهی اعتراضلری نی پوشش بیریش اوچون خبرچیلر گه زمینه فراهم قیلیشی کیرهک.
جناب گران گه کوره، اسلامی امارت استخبارات کوچلری تامانیدن اعتراضلر نی پوشش بیریش خصوصیده خبرچیلر گه یرهتیلگن چیکلاولر، رسانهیی ایش گه سلبی تاثیر قویهدی و حکومت خبرچیلر نی قولگه آلیش اورنیده، اولر گه معلومات گه قول تاپیش زمینهسی نی فراهم قیلیشی کیرهک.
شوندهی بیرحالده، افغانستان رسانهیی نهادلر و ژورنالیستلر فدراسیون عضوی سیدعلی اصغر اکبرزاده نینگ ایتیشیچه، حکومت خبرچیلر امنیتی نی تامینلش و اولر گه زیان ییتیشمهیشی اوچون سعی و حرکت قیلیشلری کیرهک. او، حکومتدن خبرچیلر امنیتی نی تامینلش خصوصیده بیرگن سوزلری نی عمل گه آشیریشلری نی ایستهیدی.
بیزلرنینگ توییترده هم تعقیب قیلینگ!
عین حالده، بوگون کابل ده عیاللردن قطاری سرکلر گه چیقیب و «نان، ایش، آزادلیک» شعاری نی اَیتگنلر. اولر اسلامی امارت تامانیدن عیاللر خصوصیده چیکلاولر دوام تاپگنی و قشاقلیک کوپهیگنی اوچون اعتراض بیلدیرگنلر.
کابل نینگ شهرنویده «حاجی یعقوب» تورتیولیده یولگه قوییلیشی گه قرار آلینگن اوشبو اعتراض، اسلامی امارت کوچلری نینگ ممانعتی بیلن روپهره بولدی. عیاللردن قطاری نینگ ایتیشلریچه، اولر تهدید بیلن چیکلنتیریلیب و شونینگدیک اولر گه قطعنامهلری نینگ اوقیشلری اوچون هم رخصت بیریلمهگن.