عیاللر حجابی نینگ اجباری بولیشی گه قرشی «افغانستان مقتدر عیالر جنبشی»، بوگون بیر اعتراض یولگه قویگنلر. اعتراض‌چیلر شعارلر اَیتیش بیلن، اسلامی امارت نینگ سونگی بویروغی گه قرشی مخالفت‌لری نی بیلدیرگنلر.
لیکن اعتراض نینگ باشلنگنیدن نیچه دقیقه کیین، اسلامی امارت کوچلری اعتراض گه توسیق بولگنلر و شونینگدیک خبرچیلر گه گزارش توزه‌تیش اوچون رخصت بیرمه‌گنلر.
بیزلرنینگ فیسبوک صحیفه‌میزگه باش اورینگ!
معترض عیال‌لردن قطاری اسلامی امارت بیلن اوتکزگن صحبت‌لریده ایتیش‌لریچه، اسلامی امارت کوچلری اولر نینگ اعتراض‌لری گه توسیق بولگنلر و کمیده ۲ ساعت‌دن کیین، اولر گه محل نی ترک قیلیش‌لری اوچون رخصت بیرگنلر.
اعتراض‌چیلردن بیری ذکیه نینگ ایتیشیچه: «سیزلر اسلامی امارت گه توهین قیله‌سیزلر دیب بیزلر نینگ شعارلریمیز نی ییرتدیلر. بیزلر نی تحقیر قیلدیلر و حتی اخطاریه بیردیلر. اوندن کیین ایکی ساعت بیزلر نی او ییر گه سقله‌دیلر.»
معترض عیاللر نینگ اورغولش‌لریچه، اسلامی امارت نینگ قدرت گه ایریشگنیدن حاضرگچه بوتون بویروغ‌لر عیالر گه ایدی و باسیم‌لر و چیکلاو‌لر یالغیز عیاللر گه وضع بولگن.
بیزلرنینگ توییترده هم تعقیب قیلینگ!
اولر نینگ کوپه‌یتیریش‌لریچه، «برقع» اسلامی حجاب ایمس. مذکور معترض عیاللر اسلامی امارت‌دن افغانستان عیال‌لری گه اوز ایسته‌کلری نی وضع قیلمه‌یشلری نی سوره‌گنلر.
افغانستان ده عیاللر حجابی حقیده‌گی بویروغ، فعال عیاللر و دنیا جماعه‌سی نینگ کوپینچه عکس‌العمل‌لری بیلن روپه‌رو بولگن بیرحالده، افغانستان مقتدر عیاللر جنبشی نینگ اعتراضی یولگه قویلدی.
