ارزگان مرکزی ترینکوت شهری بلدیه ایشلاوچیلری نینگ ایتیشلریچه، ۵ مینگ افغانی آی‌لیک بیلن ایشله‌یدیلر که اوشبو مقدار پول بیلن عایله‌لری نینگ خرجتینی تأمینله‌ی آلمه‌یدیلر.
مذکور ایشلاوچیلر، معاش‌لری کوپه‌یتیریلیشی مقصدیده ترینکوت شهری ده ناراضی‌لیک بیلدیریب و اسلامی امارت مسئوللری، اولر نینگ قیینچیلیکلری حلی اوچون دقت قیلیش‌لرینی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، ییگولیک ماده و باشقه نرسه‌لر نرخی قیمت‌لیگی اوچون، حاضرگی معاش بیلن عایله‌لری نینگ خرجتینی تأمینله‌ی آلمه‌یدی.
اعتراض قیلگنلردن محمد سرور نینگ سلام‌وطندار گه ایتیشیچه: «بلدیه تامانیدن بیریله‌دیگن معاش ییترلی ایمس، نهادلردن بیز گه یاردم بیریش‌لرینی ایسته‌یمیز. معاشیمیز ۵ مینگ افغانی دیر بیز اوچون ییترلی ایمس، حاضرگچه بیز گه هیچ بیر مؤسسه یاردم بیرگنی یوق.»
اعتراض قیلگنلر نینگ ایتیشلریچه، یاردم بیرووچی نهادلر اولر گه یاردم بیرمه‌یدی، شونی اوچون اقتصادی قیینچیلیک بیلن روپه‌ره‌لر.
بیزلرنینگ توییترده هم تعقیب قیلینگ!
ترینکوت شهری نینگ بلدیه باشلیغی مولوی هنر، مذکور نهاد ایشلاوچیلری نینگ ناراضی‌لیک بیلدیریشی گه باغلیق ایتیشیچه، بلدیه ایشلاوچیلری نینگ معاش‌لری مرکزدن تعینلنگن و اولرنینگ کوپه‌یتیریش صلاحیتی یوق دیر.
اونگه کوره، بلدیه ایشلاوچیلری نینگ اقتصادی قیینچیلیگی حلی اوچون، اولرنی یاردم بیرووچی نهادلر گه تانیشتیره‌دیلر.
مملکت بویلب سیاسی اوزگریش دن کیین، قطار کیشی‌لر اوز وظیفه‌لرینی قولدن بیرگن و حاضر وظیفه‌سی بولگنلر هم، ییگولیک ماده و باشقه نرسه‌لر نینگ قیمت‌لیگی باعث، عایله‌لری نینگ خرجتینی تأمینله‌ی آلمه‌یدی.
