ننگرهار ترافیک مدیری موترلر نینگ اوتیب-قیتیشی نینگ تنظیم قیلیش اوچون ۱۰۲ ایشلاوچیسی بار. اوشبو اداره اشلاوچیلری نینگ ایتیش‌لریچه، ۷ آیدن بیری معاش آلمه‌گنلر. اولر نینگ کوپه‌یتیریش‌لریچه، شونینگدیک ۱۰ آیدن کوپ بدل اعاشه‌لری تولنمه‌گن.
ترافیک ایشلاوچیلری نینگ اورغولشیچه، ایش قیلیش اوچون ییترلی ییمک‌لری یوق و معاش تولنمه‌گنی باعث، اولر نینگ کوپینچه قیین‌چیلیک بیلن روپه‌رو قیلگن.
ننگرهار ترافیک تنظیم مدیری یار‌محمد نینگ ایتیشیچه، همکارلری نینگ آره‌سیده، قیین‌چیلیک باعث، ایش گه کیلیش اوچون نیچه کیلو‌متر نینگ پیاده طی قیلگن کیشیلر هم بار.
بیزلرنینگ فیسبوک صحیفه‌میزگه باش اورینگ!
او، اسلامی امارت مسئوللریدن بو قیین‌چیلیک نی تیزلیککه حل قیلیشلری نی سوره‌گن.
ننگرهار ترافیک ایشلاوچیسی نورالهادی نینگ ایتیشیچه: «بعضی همکار‌لریمیز‌ده حتی بیر افغانی‌سی هم یوق و ایش‌گه کیلیشی اوچون کیلومترلرچه یوللر نی پیاده طی قیله‌دیلر. و بو بیزلر نینگ وضعیتی‌میز دیر، بیراق یینه هم سعی و حرکت‌میز نی قیله‌‌میز. مسئوللردن معاش و اعاشه‌میز و باشقه آسایشته‌لیک‌لر نی فراهم قیلیش گه توجه قیلیشلری نی سوره‌میز؛ چونکه بیزلر کوپینچه قیین‌چیلیک بیلن روپه‌رو میز.»
شونده‌ی بیرحالده، ننگرهار ترافیک مدیری جواد شیرزاد بو قیین‌چیلیک نی قبول قیلیب ایتیشیچه، نیچه آیدن بیری مذکور ریاست ایشلاوچیلری معاش قولگه کیلتیرمه‌گن. اونینگ کوپه‌یتیریشیچه، معاش‌لری اجرا ایتیلیشی اوچون، بو قیین‌چیلیک نی مسوولر بیلن شریک قیلینگن و اولر نینگ معاش‌لری تیزلیککه تولنه‌نیشی ممکن.
شونینگدیک جلال‌آباد یشاوچیلری شهر‌ده اوتیب- قیتیش تنظیم بولیمیده قیین‌چیلیک چیقمه‌یشی اوچون ترافیک ایشلاوچیلری نینگ معاش‌لری وقتیده بیریلیشی نی سوره‌گنلر.
بیزلرنینگ توییترده هم تعقیب قیلینگ!
