قندهار هوا قونالغه‌سی نینگ ایشلاوچیلریدن قریب ۳۵ ته‌سی، حقوقلری توللنمسلیگی باعث استعفا گه چیققنلر.
قریب ۴۰ ییل قندهار هوا قونالغه‌سیده ایشله‌گن مختاراحمد نینگ سلام‌وطندار گه ایتیشیچه، سونگی ۸ آی ده معاش‌سیز ایشله‌گن.
اونگه کوره، ایشلاوچیلر نیچه مرته معاش‌لری توللنمسلیک قیینچیلیکنی محلی مسئوللر بیلن شریک قیلگنلر، بیراق کیمسه اولر گه اعتبار قیلمه‌گن، شونی اوچون استعفا گه چیقیش گه مجبور بولیشگن.
بیزلرنینگ فیسبوک صحیفه‌میزگه باش اورینگ!
مذکور ایشلاوچیلر نینگ ایتیشلریچه، اقتصادی قیینچیلیککه روپه‌ره بولیب و معاش‌سیز ایشله‌ی آلمه‌یدیلر. شو بیلن بیرگه، ترانسپورت و ملکی هوانوردلیک وزیرلیگی نینگ مسئوللری گه کوره، قندهار هوا قونالغه‌سی ایشلری عادی روشده دوام ایتماقده.
ترانسپورت و ملکی هوانوردلیک وزیرلیگی نینگ سوزلاوچیسی امام‌الدین احمدی، قندهار هوا قونالغه‌سی ایشلاوچیلری نینگ توپلم استعفا گه چیقیش‌لرینی رد قیلیب سلام‌وطندار گه ایتیشیچه، اوشبو ایشلاوچیلر تمیزلش یا باشقه بولیم‌لرده ایشلر ایدیلر بیراق قراردادلری بیتگن.
اونینگ کوپه‌یتیریشیچه، مذکور ایشلاوچیلر خصوصی بیر شرکت بیلن ایشلب و دولت ملازم‌لری ایمس ایدیلر. قندهار هوا قونالغه‌سی مسئوللری، اولر نینگ ایشلری عادی روشده دوام ایته یاتگنینی بیلدیره دیلر.
بیزلرنینگ توییترده هم تعقیب قیلینگ!
عین‌حالده، بوندن آلدین دولت قطار اداره‌لری نینگ ایشلاوچیلری دن بعضی‌لری، آیلیکلری توللنمسلیگیدن شکایت قیلیب و ایریم موردلرده ایش اعتصابی گه قول اورگنلر.
