قندهار حاکمی سوزلاوچیسی محمود اعزام نینگ سلام‌وطندار گه ایتیشیچه، یک‌شنبه کونی، ۲۹-دلو، قندهار ولایت مقامی اوشبو ولایت اسلام امیرلیگی رسمی‌لری و برچه نهاد‌لر گه بیر مکتوب یوللش بیلن، رسمی و نارسمی ییغین‌لر و احتفال‌لرنی صورت گه آلینیشی‌نی تقیق‌لگن.
جناب اعزام نینگ کوپه‌یتیریشیچه، بو بویروغ عادی اهالی گه تیگیشلی ایمس. «قندهار ولایت مقامی بیر مکتوب آرقه‌لی مذکور ولایت نینگ برچه حربی و ملکی اداره‌لر و رسمی‌لری گه، ییغین‌لریده تیریک موجودات‌لر نی صورت و ویدیو گه آلمسلیکلری نی بویروغ بیرگن؛ چونکه بو ایش نینگ زیانی فایده‌سیدن کوپراق دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، افغانستان خبرچیلر بیرلشمه‌سی مسئوللری، قندهار ده تیریک موجودات‌لرنی صورت و ویدیو گه آلیش خصوصیده یره‌تیلگن چیکلاو‌لردن خواطر بیلدیریب ایتیشلریچه، بو ایش مذکور ولایت‌ده خبرچیلر نینگ قیین‌چیلیک بیلن روپه‌ره قیلیشی ممکن. اولر سرپرست حکومت‌دن معلومات گه قول تاپیش اوچون ییتکرمه‌لر توغریسیده‌گی قانون نینگ تصویب قیلینیشی نی ایسته‌‌گنلر.
افغانستان خبرچیلر بیرلشمه‌سی مسئولی حفیظ‌الله بارکزی نینگ ایتیشیچه: «قندهار ده تیریک موجودات‌لرنی صورت و ویدیو آلیش تقیق‌لنگنی، کیله‌جک‌ده ییتکرمه‌لر ایشی نینگ قیین‌چیلیک بیلن روپه‌ره قیلیشی ممکن. سرپرست حکومت معلومات گه قول تاپیش اوچون ییتکرمه‌لر توغریسیده‌گی قانون نینگ تصویب قیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
بوندن آلدین اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه، تیزلیک بیلن ییتکرمه‌لر توغریسیده‌گی قانون نینگ اسلام امیرلیگی رهبری آرقه‌لی تصویب بولیشی ممکن دیگن ایدی.
ایتیش کیره‌ک که، ۱۹۹۶-۲۰۰۱ میلادی ییل گه قدر اسلام امیرلیگی حاکمیتی نینگ بیرینچی دوری‌ده، افغانستان ده تیریک موجودات‌لردن صورت و ویدیو آلیش و تلویزیون یایینی تقیق‌لنگن ایدی.
