کابل ده عیاللر نینگ تولیدلری و قول صناعتی دایمی کورگزمه‌سیده‌گی ساتووچیلر نینگ ایتیشلریچه، اوشبو کورگزمه نینگ مناسب موقعیتی بولمه‌گنی سبب، مشتری کم‌لیگی بیلن روپه‌ره دیر.
کابل شهری نینگ شهر‌آرا کوچه‌لریدن بیریده جایلشگن مذکور کورگزمه‌ده، ۴۰ عیال ایش بیلن شغللنگن.
مذکور کورگزمه‌ده اوچ آی‌دن بیری گند افغانی، بیک و چپلی کبی قول‌‌ده توزتیلگن نرسه‌لر نی ساتیش گه قویگن ساتووچیلر نینگ ایتیشیچه، آی‌ده ایکی کیشی‌دن کوپ مشتری‌لری یوق دیر.
بیزلرنینگ فیسبوک صحیفه‌میزگه باش اورینگ!
اوشبو کورگزمه‌ده‌گی ساتووچیلردن مستوره نینگ ایتیشیچه: «بو ییر گه هیچ کیم کیلمه‌یدی چونکه موقعیتی درست بیر ییرده ایمس. یخشی‌راق بیر موقعیت‌ده بولگنی پیتده، مشتری‌سی هم کوپه‌یدی. شرکتی‌میز یوق، خام ماده‌میز یوق. کوپ تلاش قیله‌میز و مصرف هم کوپ، بیراق مشتری یوق. بو موقعیت گه کوپ کیشی کیلمه‌یدی. بیر آی‌ده ایکی مشتری‌میز بار. کیلگن مشتری‌لر هم بو ییر‌دن خبرلری یوق بولگنی نی ایته‌دیلر.»
شونینگدیک اوشبو کورگزمه‌ده‌گی ساتووچیلردن باشقه بیری مینه نینگ ایتیشیچه: «بو ییرده مشتری‌میز یوق، بیر هفته‌ده بیر یا-ده ایکی مشتری‌میز بار. بو ییرده ساتیش کم و خام ماده‌لر و ایپک قیمت دیر.»
مذکور کورگزمه نینگ ایجاد قیلووچیلر و عیال سوداگرلیک اتاق‌لر مسئوللری نینگ ایتیشلریچه، اوشبو کورگزمه موقعیتی نینگ تجاری بولمه‌گنی سبب، مشتری‌لر آز دیر.
عیاللر صناعتی و سوداگرلیک اتاق‌لر رئیسی سلما یوسفزی نینگ ایتیشیچه، اوشبو کورگزمه گه مشتری‌لر مراجعه‌سی کم‌لیگی سبب، کیله‌سی آی عیاللر محصول‌لری گه مخصوص بازار نینگ یخشی‌راق موقعیت‌ده یولگه قوییش خصوصیده قرار آلگنلر.
بیزلرنینگ توییترده هم تعقیب قیلینگ!
خانم یوسفزی نین کوپهیتیریشیچه: «مشتری‌میز یوق. بو کیشی‌لر هم ایرتنگ کیلیب و کیچه کیته‌دیلر. فایده‌لی بیر نرسه ایمس. کیله‌سی آی مناسب بیر موقعیت‌ده دایمی بیر بازار ایجاد قیله‌میز. حاضر سوداگرلیک اتاق‌لر بولیمی‌دن یالغیز اوشبو دایمی کورگزمه‌‌میز بار.»
بیراق سوداگرلیک و صناعت وزیرلیگی سوزلاوچیسی آخند‌زاده عبدالسلام جواد نینگ ایتیشیچه، عیاللر ایشی نینگ ترقیاتی اوچون، اوشبو وزیرلیک عیاللر نینگ تولیدلری و قول صناعتی دایمی کورگزمه‌سی نی کابل و باشقه ولایت‌لرده ایجاد قیلیش و شونینگدیک اولر اوچون آنلاین ساتووچیلیک‌لر ایجاد قیلیش خصوصیده سعی و حرکت قیلماقده.
جناب جواد نینگ کوپهیتیریشیچه: «ولایت و مرکز‌ده دایمی ساتووچیلیک‌لر ایجاد بولیشی خصوصیده برنامه‌لریمیز بار و شونینگدیک اولر گه مملکت ایچیپده و تشقی‌ده صناعت‌لری نینگ نمایش گه قویش‌لری اوچون وب‌سایت ایجاد قیلیش خصوصیده هم برنامه‌میز بار. مالیه تکسی‌نی هم ۱.۵ فایز قیلدیک که، خام ماده نی تشقی‌دن وارد قیله آله‌دیلر.»
اوشبو کورگزمه مسئوللری و ساتووچیلری، خام ماده‌لر نینگ قیمت‌لیگی، مالیه نرخی یوقار‌لیگی و ایچکی و تشقی حمایت‌چیلر یوقلیگی نی، افغانستان ده سوداگر عیاللر برابریده‌گی قیین‌چیلیک‌لردن عنوان قیله‌دیلر.
