بوگون کابل‌ده عیال و قیز اوقووچیلریدن قطاری، ۶ صنف‌دن یوقاری قیزلر گه مکتب باریش اجازه‌سی بیریلمسلیگی باعث اعتراض بیلدیردیلر. مذکور اعتراضچیلر، بوگون ایرته‌لب کابل نینگ صدارت سرکی‌ده ییغیلیب و عدالت سوره‌ش شعارلری بیلن اعتراض قیلدیلر.
اعتراضچیلر نینگ ایتیشلریچه، آلتینچی صنف‌دن یوقاری قیز اوقووچیلری گه مکتب باریش اجازه‌سی بیریلمسلیگی، جامعه نینگ یریم نفوسینی تشکیل بیرگن خاتین قیزلر نینگ استعدادلری اوستیگه سلبی تاثیر قیله‌دی.
بیزلرنینگ فیسبوک صحیفه‌میزگه باش اورینگ!
اولرگه کوره، خاتین قیزلر گه چیکلاو یره‌تیلیشی، افغان عیاللری و قیزلری نینگ روحی گه زیان ییتکیزه‌دی. شو بیلن بیرگه، آلتینچی صنف‌دن یوقاری قیزلر نینگ مکتب‌لری آچیلمسلیگیگه دایر خلق‌ارا واکنش‌لر هلیگچه دوام ایتماقده.
رویترز نینگ گزارشی اساسیده، آمریکا ۶-صنف‌دن یوقاری قیزلر نینگ مکتب‌لری یاپیق قالیشی گه دایر اسلامی امارت نینگ سونگی قراری گه عکس‌العمل کورسه‌تیب، اسلامی امارت رسمی‌لری بیلن ریجه‌لنتیریلگن ییغین‌لرینی لغو قیلگن.
اوشبو گزارش‌ده کیلیشیچه، مذکور ییغین‌لردن قطاری‌ده، بیرلشگن ملت‌لر تشکیلاتی و دنیا بانکی نماینده‌لری اشتراک ایتیب و افغانستان نینگ بانکی و اقتصادی مسئله‌لری بحث گه آلینیشی کوتیلر ایدی.
باشقه تاماندن، بیرلشگن ملت‌لر تشکیلاتی خوفسیزلیک کینگشی نینگ ۱۰ عضوی، قوشمه بیر بیانیه ترقه‌تیب اسلامی امارت‌دن، مکتب‌لرنی برچه قیزلر یوزی گه آچیشینی طلب قیلگن.
شونینگدیک دنیا بویلب ۱۶ مملکت عیال تشقی ایشلر وزیرلری، اسلامی امارت‌نی بیرگن وعده‌لری گه عمل قیلمسلیککه عیبله‌گن.
بو توغریده معارف وزیرلیگی نینگ فکر-ملاحظه‌سینی اورگه‌نیشنی ایسته‌دیک، لیکن کیتمه-کیت قونغراق بیلن مؤفق بولمه‌دیک.
گزارش‌لر اساسیده، اسلامی امارت معارف وزیرلیگی، آلتینچی صنف‌دن یوقاری قیزلر نینگ مکتب‌لر یآچیلیش طرحینی باش وزیر ریاستی گه جونه‌تگن.
ایتیلیشیچه، قیز و اوغیل باله‌لر اجره‌تیلیشی، قیز اوقووچیلری اوچون عیال اوقیتووچیلری تعینله‌نیشی و قنده‌ی حجاب کییش، اوشبو طرح موردلریدن عبارت دیر.
شو بیلن بیرگه سلام‌وطندار بیلن صحبت اوتکزگن بیرقطار اوقیتووچیلر نینگ ایتیشلریچه، اسلامی امارت نینگ قیز اوقووچیلری عیاللر تامانیدن تدرس بولیشی گه عاید طرحی، عیال اوقیتووچیلرینی استخدام قیلیش برنامه‌لری بولمه‌گن تقدیرده، عملی ایتیلیشی قیین دیر.
کابل‌ده نسوان مکتب‌لریدن بیری نینگ اوقیتووچیسی حبیب‌الرحمان نینگ سلام‌وطندار گه ایتیشیچه، قیزلر نینگ تعلیم جریانی بوندن آرتیق کیچیکتیریلمسلیگی اوچون، اسلامی امارت رسمی یا قراردادی شکلده عیال اوقیتووچیلری نینگ استخدام قیلیش جریانینی تیزلیک بیلن باشله‌شی کیره‌ک.
بیزلرنینگ توییترده هم تعقیب قیلینگ!
ایتیلیشیچه، مکتب‌لر اوقووچیلر اینیقسه قیز اوقووچیلر یوزی گه آچیلیشی، اسلامی امارت نینگ رسمیت گه تانیش اوچون دنیا همجمعیت نینگ شرط‌لریدن بیری دیر.
اسلامی امارت سونگی آی‌لرده، قیزلر نینگ مکتب‌لری آچیلیش وعده‌سینی بیرگن ایدی؛ بیراق ۶-صنف‌دن یوقاری قیز اوقووچیلری چهارشنبه، ۳ حمل، مکتب‌لر آچیلیشی چاغیده، امیدسیزلیک بیلن اوی‌لری گه قیتدیلر.
