امریکا قوشمه ایالتلری جمهور باشلیغی دونالد ترامپ جاری ییلنینگ جولای آیی باشیده ایران بیلن باغلیق تهدید طفیلی، تورکیه پایتختی انقرهدن حربی اوچاقده یشیرینچ اوچیب کیتگن.
واشنگتن پست، بوگون (۲۰ اسد/۱۱ آگست، سهشنبه) ترقهتگن گزارشیده، دونالد ترامپ ایران بیلن باغلیق تهدید سببلی، جولایی آییده حربی اوچاق آرقهلی تورکیهدن بریتانیا گه اوچیب کیتگن، بوندن ایلگری آق سرای او «ایر فورس ون» اوچاغی بیلن سفر قیلگنینی ایتگن ایدی.
اوشبو گزارش گه کوره، مثلی کوریلمهگن مخفی ریجهده ترامپ هوا قونالغهنینگ آزیق-آوقت تشووچی موتری ایچیده یاشیرینچ آلیب اوتیلگن.
گپ شونده کی، میلادی ۲۰۲۶-ییل، ۷-۹ جولای کونلری تورکیه پایتختی انقره ناتو دولتلری رهبرلرینینگ ییغیلیشیدن میزبانلیک قیلدی. ییغیلیش بهانهسیده ترامپ هم ۷ جولای کونی انقره گه تیللرده دوستانه بولگن ینگی اوچاقده کیلگندی. اوشنده اوچاق قطر امیری تامانیدن ساوغه قیلینگنی و اونینگ تخمینی بازار قیمتی ۹۰۰ میلیون دالر اطرافیده ایکنی ایتیلگندی. بیراق، ترامپ ۹ جولای کونی مملکتنی ینگی حشمتلی اوچاغده ایمس، بلکی اوزینینگ ایسکی اوچاغیگه چیقیب کیتهیاتگنی حقیده صورتلر ترقهلگن ایدی.
