تورکیه پایتختی انقره شهریده بولیب اوتگن ناتونینگ ۳۶-ییغیلیشی یکونی بیاناتیده، اوشبو تشکیلاتنی کوچهیتیریش و اعضالر اورتهسیدهگی همکارلیکنی کینگهیتیریش همده ایران هیچ قچان یدراو قورال (هسته) گه قول تاپمسلیگی تأکیدلندی.
شمالی اتلانتیک تشکیلاتی باشلیغلرینینگ ۳۶-ییغیلیشی یکونی بیاناتیده، بیر متحد گه قیلینگن هجوم برچه متحدلر گه هجوم قیلیش دیر، ایرکین و دموکراتیک دولتلردن تشکیل تاپگن اتفاق دهگی بیر میلیارد فقرالرنینگ تینچلیگی، خوفسیزلیگی و فراوانلیگی اوچون بیردملیک و همجهتلیک اساس بولیب قالیشی، مدافعه ساحهسیده ۳۶۰ درجهلی یاندهشوو گه صادق قالیش گه تأکید لنگن.
اوشبو بیانیهده، اروپانینگ خوفسیزلیگی و برقرارلیگی گه قرشی روسیهنینگ اوزاق مدتلی تهدیدلری بیلن کورهشیش، لاههده بیریلگن وعدهلر عملگه آشیریلگنی، اروپا متحدلری و کانادا میلادی ۲۰۲۵-ییلده مدافعه احتیاجلری اوچون اوز سرمایهلرینی ۱۳۹ میلیارد دالر گه آشیرگنی قید ایتیلگن.
انقرهده ناتو باشلیغلرینینگ ییغیلیشی یکونی بیاناتیده، اوکرایننی قوللب-قوتلش، ایران هیچ قچان یدراو قورال (هسته) گه قول تاپمسلیک و هرمز بوغوزیده کیمهلرنینگ ایرکین قتنهشیشیگه حرمت قایل بولیشی تأکیدلنگن.
تورکیه میزبانلیگی بیلن انقره شهریده ناتو باشلیغلرینینگ ۳۶-ییغیلیشی، بو تشکیلات گه اعضا ۳۲ مملکت وکیللرینینگ اشتراکی بیلن ۷-۸ جولای کونلری اوتکزیلدی.
