بلخ همده اوزبیکستان جیزخ ولایتی تدبیرکارلری و صناعتچیلری، اقتصادی همکارلیکلرنی کینگهیتیریش اوچون قوشمه ییغیلیش اوتکزدی.
اوشبو تدبیر، اوزبیکستان جیزخ حاکملیگی اورین باسری و ایکی مملکت سوداگرلرینینگ اشتراکی بیلن، ۳ سنبله/۲۵ آگست، سهشنبه کونی بلخ مرکزی مزارشریف شهریده اوتکزیلگن.
بو تدبیر، اقتصادی و سودا همکارلیکلرنی کینگهیتیریش همده افغانستان و اوزبیکستان خصوصی بولیمی فعالیتی اوچون مناسب شرایط یرهتیش مقصدیده اوتکزیلگن.
اوزبیکستان جیزخ ولایتی اورین باسری بهرام یوسفاوف، بلخ گه قیلگن سفریدن مقصد، افغانستان و اوزبیکستان اورتهسیده همکارلیکلرنی مستحکملش و اقتصادی آلیش-بیریشنی آشیریش عنوان قیلگن.
برچهسی بیلن، اوشبو ییغیلیشده بلخ ولایتی سودا و سرمایه کیریتیش اتاقی مسئوللری، افغانستان و اوزبیکستان سودا و سرمایه کیریتیش اتاقلری اورتهسیده شرطنامهلر امضالنگنینی ایتهدیلر.
ایسلهتیب اوتهمیز بوندن ایلگری هم، اوزبیکستان سرخاندریا و نمنگان ولایتلرینینگ محلی مسئوللری و تدبیرکارلری افغانستان تدبیرکارلری بیلن قوشمه ییغیلیشلر اوتکزگن.
